كۆمپانیای نەوتی باكور رایگەیاند، حكومەتی هەرێمی كوردستان دەستی بەسەر دوو بیرە نەوتی كێڵگە نەوتییەکانی كەركوكدا گرتووە و دەشڵێت، "ئەوە کارێکی نایاسایی و نا دەستوورییە."
راگەیاندنی کۆمپانیای نەوتی باکور راگەیەندراوێکی بڵاوکردووەتەوە و تێدا ئاماژەی بەوەکردووە، لە بەردەوامی داگیرکاریەکانیدا حکومەتی هەریم بە هاوکاری هێزیکی چەکداری و تیمێکی هونەری، حکومەتی کورستان دەستی بەسەر هەردوو بیرەنەوتی باسی حەسەن و داوودا گرتووە.
باسی لەوەشکردووە، کۆمپانیای
نەوتی باکور لە دادگاکای عێراق داوای یاسایی لەسەر هەرێمی کوردستان تۆمارکردووە و
لە ئێستاشدا ئەو داوایانە لە دادگاکاندا کاری لەسەردەکرێت.
لە راگەیەندراوەکەدا کۆمپانیاکە
ئەوەشی خستووەتەروو، ئەم کارەی حکومەتی هەرێم پێچەوانەی دەستور و یاساکانی رێکخستنی
پەیوەندی نێوان کۆمپانیاکانی نەوت و حکومەتی هەرێم و کۆمپانیاکانی نەوتە لە عێراق.
دەشڵێت، "حکومەتی هەرێم
بە مەبەستی بەکارهینانی هێزی بەرهەمهێنان دەستی بەسەر ئەو کێڵگانەدا گرتووە."
ئەوەشی خستووەتەڕوو، کۆمپانیای
نەوتی باکور سەر بە کۆمپانیای نەوتی نیشتیمانی عێراقە و بەرپرسیاریتی ئەم هەنگاوە
نا دەستورییە دەداتە پاڵ هەرێمی کوردستان و نەوتی عێراق موڵکی سەرجەم هاوڵاتیانە و
پێویستە حکومەتی هەریم پابەند بێت بە یاساکانی
رێکخستنی پەیوەندیەکانی لەگەڵ کۆمپانیای نەوت.