سەردێڕ:

راگەیەندراوی نوێ لەبارەی نەوتی هەرێمەوە لە کۆمپانیای نیشتیمانی نەوتی عێراقەوە

PM:05:40:12/05/2022

66072 جار خوێندراوەتەوە

کۆمپانیای نیشتیمانی نەوتی عێراق راگەیه‌ندراوێکی لەبارەی هەناردەکردنی نەوتی هەرێمی کوردستان بڵاوکردەوە و ئاماژەی بەوەکردووە، بۆ هیچ هەرێمێک نییە سەربەخۆ گرێبەستی نەوتی لەگەڵ کۆمپانیا جیهانییەکان بکات بۆ هەناردەکردنی نەوت و غاز و دەڵێت، "ئەوە پێچەوانەی دەستوورە."


ئەمڕۆ پێنجشەممە، کۆمپانیای نیشتیمانی نەوتی عێراق راگەیێندراوێکی لەبارەی هەناردەکردنی نەوتی هەرێمەوە بڵاوکردەوە و ئاماژەی بەوەکردووە، بۆ هیچ هەرێمی سەربەخۆ نییە بەشێوەیەکی تاکلایەنە و لەدەرەوەی ئاگاداری حکومەتی فیدراڵی گرێبەست لەگەڵ وڵاتانی دیکەدا بکات.

دەشڵێت، "حکومەتی فیدراڵی مافی چاودێری و سەرپەرشتی ئەو کێڵگانەی هەیە کە لە داهاتوودا ئەگەری دۆزینەوەیان هەیە."

 

لە راگەیەندراوەکەدا ئاماژە بەوەشکراوە، گررێبەستە نەوتیەکانی هەرێم نادەستورین و هیچ هەرێمێکی سەربەخۆ لەناو عێراقدا ناتوانێت گرێبەستی نەوتی لەگەڵ کۆمپانیا جیهانییەکاندا بکات.

ئەمە لەکاتێکدایە، لە ١٥ی شوباتی ٢٠٢٢ دادگای باڵای فیدڕاڵی عێراق بڕیاریدا یاسای فرۆشتنی نەوت و غاز لەلایەن حکومەتی هەرێمەوە نا دەستورییە و دەبێت حکومەتی هەرێم پابەندی دەستوریبێت و نەوتەکە بە سەربەخۆ نەفرۆشێت.

لە بەشێکی دیکەی بڕیارەکەی دادگای فیدڕاڵی عێراقدا هاتبوو، وەزارەتی دارایی و دیوانی چاودێری دارایی فیدڕاڵی دەبێت بەوردی چاودێری گرێبەست و داهاتی فرۆشتنی نەوت و غازی هەرێم بکات و لەبەرامبەردا هەرێم پابەند دەکرێت بە سەرجەم بڕیارەکانەوە.

 














گەلەری