سەردێڕ:

بەهۆی دواکەوتنی موچەی مامۆستایان و فەرمانبەرانەوە، تاقیکردنەوەکانی ئەم زانکۆیەی هەرێم دواخرا

PM:02:36:12/05/2022

6024 جار خوێندراوەتەوە

بڕیاربوو ١٤ی ٥ی ٢٠٢٢ ئەزموون و تاقیکردنەوەکانی کۆتایی زانکۆی راپەڕین بەڕێوەبچێت، بەڵام بە هۆکاری بایکۆت و پێنەدانی موچەی فەرمانبەران و مامۆستایانی زانکۆکە ئەزمونەکانی کۆتایی ساڵ پەکی کەوت و بۆ رێکەوتی ٣١ی ٥ی ٢٠٢٢ دواخرا.


ئەمڕۆ پێنجشەممە، ئەنجومەنی زانکۆی راپەڕین راگەیەنراوێکی بڵاوکردەوە و تیایدا هاتووە، لە درێژەی کۆبونەوەکانی خۆی بۆ ڕۆژی دووەم بۆ تاوتوێکردنی دۆخی موچەی فەرمانبەران و مامۆستایان و شایستەدارایی خوێندکاران لە رۆژی ١٢/٥/٢٠٢٢ ئەنجومەنی زانکۆ کۆبەنەوەی خۆی ئەنجامدا.

ئاماژەی بەوەشداوە، ئەنجومەنی زانکۆ بە رەچاوکردنی دۆخی ستافی زانکۆ و دۆخی دەرونی خوێندکاران، بڕیاریدا بە دیاریکردنی تاقیکردنەوەکانی کۆتایی ساڵ بۆ رێکەوتی ٣١/٥/٢٠٢٢ وە دیاریکردنی دەستپێکی خولی دووەمی تاقیکردنەوەکان لە رێکەوتی ٣/٩/٢٠٢٢.

هەر بەگوێرەی راگەیەنراوەکەی ئەنجومەنی زانکۆی راپەڕین، ئەنجومەن سەرجەم هەوڵەکانی خۆی دەخاتە گەڕ تا بتوانرێت موچە و شایستە داراییەکان دابینبکرێن و بتوانرێت دۆخێکی دەرونی ئارامتر فەراهەم بکرێت و خوێندنی ئەمساڵ بەسەرکەوتویی بە کۆتایی بگەیندرێت.

ئەمە لەکاتێکدایە، ماوەی پێنج رۆژە بەشێک لە مامۆستایان و فەرمانبەرانی زانکۆی هەڵەبجە و سلێمانی ورانیە بەهۆی دواکەوتن و پێنەدانی موچەکانیانەوە بایکۆتی دەوامییان کرد و گردبوونەوەیان ئەنجامدا.













گەلەری