سەردێڕ:

لە نەیجیریا بە هۆی هێرشێکی چەکدارییەوە ٤٨ کەس گیانیانلەدەستدا

PM:07:46:08/05/2022

1940 جار خوێندراوەتەوە

کاربەدەستی کارگێڕی ناوچەی باکورا لە نەیجیریا رایگەیاند، لە ئاکامی ھێرشێکی چەکداری بۆسەر چەند گوندێک لە ویلایەتی زامفارا لە نێجیریا ٤٨ کەس گیانیان لەدەستداوە.


ئامینو سولەیمان کاربەدەست لە کارگێڕی ناوچەی باکورا، لە لێدوانێکیدا بۆ رۆژنامەنوسانی وڵاتەکەی رایگەیاند چەند کەسێکی چەکدار بە ماتۆرسکیلەوە ھێرشیان کردووەتە سەر سێ گوندی ناوچەی باکورا لە ویلایەتی زامفارا.

ئاماژەی بەوەشدا چەکدارەکان ٤٨ هاوڵاتیان کوشتووە و زۆری تریش بریندارن.

ئامینو سولەیمان، باسی لەوەش کرد کە لە ھێرشەکاندا ئاگر لە ئۆتۆمبیلی پۆلیس بەردراوە و ژمارەیەکی زۆری خانوو سوتێنراوە.

ئەمەش لە کاتێکدایە، ناوچەکە بووەتە شوێنی پێکدادان لە نێوان فولانییەکان کە ماوەی پێنج ساڵە سەرقاڵی ئاژەڵدارین و چەند هۆزێکی دیکە کە بە جوتیارییەوە سەرقاڵن.

دوایینی ئەم پێکدادانە لە ١٧ی کانوونی دووەم روویدا کاتێک چەند کەسێکی چەکدار ھێرشیان کردبوویە سەر ویلایەتی زامفارا و لە ئەنجامدا ٥٠ کەسیان کوشتبوو.

سەرۆکی وڵاتەکە محەمەد بوخاری، دوای ھێرشەکە ھێزی سەربازیی بۆ پشتوانیی ناوچەکە نارد و "ناوچەی دژە فڕین"ی لە زامفارا و ویلایەتەکانی دەوروبەری راگەیاند، هاوکات کارکردنی لە کانی کانزاکانیش قەدەغەکرد.

ئـ.کـ














گەلەری