وەزارەتی گواستنەوەی حکومەتی هەرێم رایگەیاند، ئەمڕۆ ئاسمانی هەرێم نیمچە هەور دەبێت و دەگۆڕێت بۆ هەوری تەواو و ئەگەری بارینی تاوەبارانی دەبێت و هەندێجار هەورە بروسکەی لەگەڵدا دەبێت. دەشڵێت، "سبەینێ لە ئێوارەدا ئاسمانی هەرێم دەگۆڕێت بۆ هەوری تەواو و تاوەباران دەبارێت".
ئەمڕۆ شەممە، وەزارەتی گواستنەوە و گەیاندنی حکومەتی هەرێم راگەیەنراوێکی بڵاوکردەوە و تیایدا هاتووە، ئەمڕۆ ئاسمانی هەرێم نیمچە هەوردەبێت و دواتر دەگۆرێت بۆ هەوری تەواو لەگەڵ بارینی تاوە باران و هەندێکجار هەورە تریشقەشی لەگەڵدا دەبێت.
ئاماژەی بەوەشداوە، لە پارێزگای سلێمانی لەگەڵ ئەوەی
ئاسمان نیمچە هەوردەبێت کەمێک تۆز و خۆڵ لە هەوادا دەبێت و لە دوانیوەڕۆدا بۆ
هەوری تەواو دەگۆڕێت و ئەگەری بارینی تاوەباران هەیە و لە هەندێ ناوچە شاخاوییەکان
هەورە تریشقەی لەگەڵدا دەبێت.
هەر بەگوێرەی راگەیەنراوەکە، سبەینێ ئاسمانی هەرێم ساماڵ و نیمچە هەور دەبێت لە کاتەکانی ئێوارەدا
دەگۆرێت بۆ هەوری تەواو لەگەڵ ئەگەری باراینی تاوە باران و هەورە تریشقە بە تایبەتی
لە ناوچە شاخاوییەکان.
ئەمە لەکاتێکدایە، دوێنێ هەینی دەستەی کەشناسی و چاودێری کردنی بومەلەرزە لە عێراق
راگەیەنراوێکی بڵاوکردەوە و تیایدا ئاماژەی بەوەدا، رۆژی دووشەممەی داهاتوو رێکەوتی
کەشوهەوا ئاسایی دەبێتەوە.
باسی لەوەشکردووە، پێشبینیدەکرێت لە رۆژانی شەممە و یەکشەممەی
سەرەتای ئەم هەفتەیە ئاسمانی هەرێم هەوری تەواوبێت بارانێکی کەم ببارێت و دواتر بگۆڕێت بۆ بارانی مامناوەند خوڕ و هەورو تریشقەی لەگەڵدا دەبێت و لە هەندێ ناوچەش
تۆزێکی کەم لە ئاسماندا هەبێت.
لە کۆتایی راگەیەنراوەکەشدا هاتبوو، رۆژی دووشەممەی ئەم هەفتەیە
رێکەوتی ٩ی ٥ی ٢٠٢٢ کەشوهەوای وڵات ئاسایی دەبێتەوە و خۆڵبارین کۆتایی پێدێت.