سەردێڕ:

وەزیری دەرەوەی عێراق: گفتوگۆکانی سعودیە و ئێران ئەنجامی باشیان هەبووە

PM:11:36:24/04/2022

2856 جار خوێندراوەتەوە

وەزیری دەرەوەی عێراق ڕایگەیاند، گەڕی پێنجەمی گفتوگۆکانی سعودیە و ئێران کە بە نێوەندگیری عێراق بەڕێوەدەچن ئەنجامی باشیان هەبووە.


فوئاد حسێن وەزیری دەرەوەی عێراق ڕاشیگەیاند، گفتوگۆکانی ئێران و سعودییە کە لە بەغدا بەڕێوەدەچن چاوەڕێی ئەنجامی باشیان لێدەکرێت و بڕیاریشە گەڕێکی دیکەی گفتوگۆکان بەڕێوەبچێت بەبێ ئەوەی ئاماژە بە شوێن و کاتەکەی بکات.

باسی لەوەشکرد، هەریەکە لە سعودیە و ئێران ڕۆڵی عێراقیان بۆ ڕەخساندنی زەمینەی گفتوگۆ لە بە‌‌غدا بەرز نرخاندووە.

ئەوە لە کاتێکدایە، لەماوەی ڕابردوودا چوار جاری دیکە ئێران و سعودیە گفتوگۆیان لە عێراق ئەنجامداوە، بەڵام نەگەیشتوون بە هیچ ڕێکەوتنێکی کۆنکرێتی بۆ ئاسایکردنەوەی پەیوەندییەکانیان.













گەلەری