سەردێڕ:

ئۆکرانیا روسیا بە بەکارهێنانی منداڵانی ئەو وڵاتە تۆمەتبار دەکات

PM:11:43:22/04/2022

2384 جار خوێندراوەتەوە

داواکاری گشتی ئۆکرانیا رایگەیاند، سوپای روسیا منداڵانی ئۆکرانی بە مەبەستی کۆکردنەوە و گەیاندنی زانیاری سەربازی و گواستنەوەی چەک و کاری هاوشێوە، بەکاردەهێنێت.


ئیرینا ڤینیدیکتۆڤا داواکاری گشتی ئۆکرانیا ئاماژەی بەوەدا، سوپای روسیا منداڵانی ئۆکرانی بۆ کۆکردنەوە و گەیاندنی زانیاری سەربازی و گواستنەوەی چەک و کاری لەو جۆرە بەکاردەهێنێت.

دەشڵێت، روسیا جگە لەوەی دژبە منداڵانی ئۆکرانی دەجەنگێت، بە زۆرەملێش بۆ مەرامی سەربازیی خۆی بەکاریان دەهێنێت.

ئیرینا ڤینیدیکتۆڤا ئاشکراشیکرد، بەهۆی بۆردومانەکانی سوپای روسیا هەزار و ١٤١ دامەزراوەی پەروەردەیی زیانی بەرکەوتووە کە ٩٩ لەو دامەزراوانە بەتەواوەتی خاپورکراون.

ئەوەشی خستەڕوو، لەسەرەتای جەنگی روسیا و ئۆکرانیاوە هەتا ئەمڕۆ ٢٠٨ منداڵ گیانیان لەدەستداوە و ٣٨٦ی دیکەش برداربوون.

ئەمەش دوای ئەوەدێت ماوەی ٥٨ رۆژە هێرشەکانی روسیا بۆ سەر ئۆکرانیا بەردەوامە و هاوڵاتیانی ئەو وڵاتەش زۆربەیان ئاوارەبوون.













گەلەری