وەزیری دەرەوەی ئەڵمانیا رایگەیاند، وڵاتەکەی لە کۆتایی ساڵی ٢٠٢٢دا هاوردەکردنی نەوت لە روسیاوە رادەگرێت.
ئانالینا بێربۆک وەزیری دەرەوەی ئەڵمانیا دوای کۆبوونەوەی لەگەڵ هاوتاکانی لە وڵاتانی بەڵتیک، لاتییڤا و ئێستۆنیا و لیتوانیا، لە لێدوانێکدا ئاماژەی بەوەدا هەتا کۆتایی وەرزی هاوین دەستبەرداری خەڵووزی روسی دەبن، هەروەها لە هاویندا هاوردەکردنی نەوت لە روسیاوە بۆ ئاستی نیوە کەمدەکەنەوە و تاوەکو کۆتایی ساڵ بە تەواوەتی دەستبەرداری دەبن.
ههروهها رەخنەی توندی لە سیاسەتی وزەی
وڵاتەکەی لەبارەی رووسیاوە لە سەردەمی راوێژکاری پێشوو، ئەنگێلا مێرکڵ گرت و بە
"هەڵەی روون" ناوی برد، راشیگەیاند، ئەو سیاسەتە لە حکوومەتی نوێدا
راستکراوەتەوە.
ئەمەش لە کاتێکدایە، ئەڵمانیا رێژەی ٥٥٪
پێویستییەکانی لە گازی سرووشتیی و ٢٥٪ی نەوتی خاو٤٥٪ خەڵووز لە روسیاوە هاوردە دەکات.
هاوکات ماوەی ٥٧ رۆژە سوپای روسیا ئۆپەراسیۆنی سەربازیی بۆ سەر ئۆکرانیا
دەست پێکردووە و ئەمەش کاردانەوهی نێودەوڵەتیی
بەدوای خۆیدا ھێنا و ژمارەیەک لە وڵاتان سزای ئابووری و دارایی قورسیان بەسەر مۆسکۆدا
سەپاند.
لایخۆشیەوە روسیا کۆتاییهێنانی ئۆپەراسیۆنەکەی
بەستووەتەوە بە دەستبەرداربوونی ئۆکراینا لە پلانی ئەندامبوونی لە ناتۆ و پابەندبوونی
بە بێلایەنیی تەواو، لە بەرامبەردا ئۆکراینا ئەم داوایەی رووسیا بە دەستوەردان لە
سەروەریی وڵاتەکەی دادەنێت.