PM:11:03:06/07/2022
608 جار خوێندراوەتەوە
+
-
ئەڤرۆ حکومەتا هەرێمێ
جڤینا خۆیا حەفتیانە ئەنجامدا و تێدا ڕاگەهاند، هەرێما کوردستانێ دەستبەرداری ماف
و شایستەیێن دەستوری نابیت و پێگری چ فشار و گەفێنحکومەتا فیدڕالی نابیت کو
دخوازیت مافێ خەلکێ هەرێما کوردستانێ پێشێل بکەت.
ئەڤرۆ حکومەتا هەرێمێ
جڤینا خۆیا حەفتیانە ئەنجامدا و پشتی جڤینێ ژی ڕاگەهاندنەک بەلاڤکر و تێدا هاتیە،
"د جڤینێ دا پێنگاڤێن دەستوری و دادوەری و یاسایی یێن حکومەتا هەرێما کوردستانێ
ل هەمبەر گوشارێن نەڕەوا و نەدەستوری یێن وەزارەتا پەتڕۆلا عێراقا فیدڕال ژ ئالیێ
سەرۆکێ دیوانا سەرۆکاتیا جڤاتا وەزیران ڤە هاتینە بەرچاڤکرن".
ئەو ژی هاتیە،
"حکومەتا فیدڕالی ب نەدەستوری ب نەدەستوری بڕیارا ڕاگرتنا مەزاختنا بەشێ بودجەیا
هەرێمێ دایە، د هەمان دەمی دا گوشارێن نە ڕەواژی دکەت هەیا رێگربیت ژ وی داهاتێ کو
هەرێمێ بخۆ دەست دکەڤیت ژ داهاتێ پەتڕۆلێ و ناڤخۆیا خۆ، کو چ ئەرکێن دارایی لسەر
حکومەتا فیدڕالی دروست نەکرینە".
د ڕاگەهاندنێ دا بەحسا
وێیەکێ ژی هاتیە کرن، "حکومەتا هەرێمێ ب چ ئاوایەکێ دەستبەرداری ماف و شایستەیێن
دەستوری یێ خەلکێ کوردستانێ نابیت و ب هەمی رێکان ژی بەرەڤانیێ ل مافێن دەستوری
یێن هەرێما کوردستانێ دکەت و پێگری چ فشار و گەفێن حکومەتا فیدڕالی نابیت کو
دخوازیت مافێ خەلکێ کوردستانێ پێشێل بکەت".
ئەوژی ڕاگەهاندیە،
"جڤاتا وەزیران تەکەزێ لسەر چارەسەرکرنا ئاریشەیێن هەلاویستی یێن دگەل بەغدا
دکەت، دناڤ وان ژی دا ئاریشا گرێدای ب پەتڕۆل و غازێ ڤە لسەر بنەمایێ دەستوری، کو
دبیت ب رێکا دەرخستنا یاسایا پەتڕۆل گازا فیدڕالی پشتا خۆ ب دەستوری گرێبدەن، کو
ماف و ئەرکێ هەر ئالیەکێ دیارکری بیت، چارەسەر بکەن".
ئەو ژی د دەمەکێ دایە،
د هەیاما دەربازبووی دا حکومەتا عێراقێ ڕاگەهاند، فرۆتنا پەترۆلێ ب سەربەخۆی ژ
ئالیێ هەرێمێ ڤە نەدەستوری یە و داخازێ ژی ژ هەمی وان کۆمپانیان کر یێن کو دبیاڤێ پەتڕۆل
و غازێ دا ل هەرێمێ کار دکەن، گرێبەستێن خۆ ب هەلوەشینن.