پێنگاڤێن ئەندامبوونا سوید و فینلاندا نێزیکتر بووینە

PM:07:33:05/07/2022

664 جار خوێندراوەتەوە

+ -

 

بڕیارە ئەڤرۆ سێشەمبی وەلاتێن ئەندامێن ناتۆ ئیمزا لسەر پرۆتۆکۆلا ئەندامبوونا وەلاتێن سوید و فینلاندا بکەن و داخازیا ئەندامبوونا خۆ بگەهیننە دەستێ پایتەختێ وەلاتێن ئەندام د رێکخراوێدا.

ئەڤرۆ سێشەمبی، وەلاتێن ئەندام ل ناتۆ بڕیارە ئیمزایێ لسەر پرۆتۆکۆلا ئەندامبوونا وەلاتێ سوید و فینلاندا بکەن، لێ تورکیا ب وی چاڤی دهێتە دیتن دووبارە وەک پشکەک ژ رێگریێ بۆ ئەندامبوونا وان دوو وەلاتان.

دەربارەی ئەندامبوونا وان دوو وەلاتان، پرسا رازیبوون یان نەرازیبوونا پەرلەمانێ تورکیا دیارە و ئەردۆغانێ سەرۆک کۆمارێ تورکیا ئاماژە ب وێ یەکێ کر، ئەگەر سوید و فینلاندا ب داخازیێن تورکیا رازی نەبن، ئیمزایێ لسەر ئەندامبوونا ب وان دوو وەلاتان ناکەن.

هەڤدەم، یانس ستۆلتێر سکرتێرێ گشتیێ ناتۆ ڕاگەهاند، داخازیێن سوید و فینلاندا بۆ ئەندامبوون د ناتۆیێ دا پێنگاڤەکا دیرۆکی یە و دبێژیت، "ئەم د ناتۆیێدا ب ئەندامبوونا سوید و فینلاندا دێ بهێزتر بین و روویبروویبووی جیهانەکا مەترسیداربین".

ئەڤە ددەمەکیدا بسەدەمێ شەڕێ دناڤبەرا روسیا و ئۆکرانیا کو دەمێ زێدەتر ژ چار مەهانە بەردەوامە و روسیا راوەستاندنا شەڕی ب پاشڤەچوونا ئۆکرانیا د ئەندامبوونێ د ناتۆیێدا گرێدایە، وەلاتێ سوید و فینلاند داخازا ئەندامبوونێ د ناتۆیێدا کریە و د نهادا د داوی پێنگاڤدانە.

هەڤپەیمانی یان رێکخراوا ناتۆ چیە؟

 

هەڤپەیمانیا ناتۆ، هەڤپەیمانیەکا سەربازیا ئەوروپییە و د دەمێ شەڕێ ساردا ل سالا ١٩٤٩ بۆ بەرهنگاریبوونا هەڤپەیمانیا "وارشۆ" یا سەر ب روسیا هاتیە دروستکرن، ل دەستپێکێ کارێ وێ پاراستنا ئەوروپایا رۆژئاڤا بوو ل دژی ئێکەتیا سۆڤیەت و وەلاتێن هەڤپەیمانیا وارشۆ و هەمی وەلاتێن ئەندام لدویف هێز و ئامیرێن سەربازی تێدا پشکداری هەبوو و بارگەهێ سەرەکی ل برۆکسل پایتەختێ بەلجیکا یە.

ناتۆ، ژ ٢٨ ئەندمان پێکهاتیە، کو هەر ئێک ژ وەلاێن هەڤگرتیێن ئەمریکا کو مەزنترین هێزا سەربازی تێدا هەیە، فەرەنسا، بەلجیکا، کەنەدا، دانیمارک، ئایسلاند، ئیتاڵیا، لوکسومبورگ، هۆڵەندا، نەرویج، پورتوگال و بەریتانیا و ل سالا ١٩٥٢ و تورکیا و یۆنان و ئەلمانیایا رۆژئاڤا بەریا نها پشکداربوون و ل ١٩٥٥ و جارەکا دی پشتی ئێکگرتنا هەردوو ئەلمانیا ل ١٩٩٠ێ بووینە ئەندام تێدا و ل ١٩٨٢ێ ئیسپانیا و چیک و مەجەڕ، پۆلەندا ل ١٩٩٩ێ و بولگاریا ل ٢٠٠٤ێ بووینە ئەندامێن ناتۆیێ.

ژدەرڤەی ٢٨ ئەندامێن خۆ د جڤینا گوپیتکا لاتیفیا ل سالا ٢٠٠٦ێ داخاز ژ بۆسنە و هەرسک و سربیا کر کو بچنە ناڤ هەڤپەیمانیێ.