PM:05:43:05/07/2022
1084 جار خوێندراوەتەوە
+
-
ڕێڤەبەرێ گشتیێ
بارزگانیا ھەرێمێ ڕاگەهاند، تا نها کۆژمێ ٢١٣ ھزار و ١٣٣ تەن و ٢٦٠ کیلۆگرامێن گەنمێ
جوتیاران ل سایلۆیێن ھەرێما کوردستانێ هاتینە وەرگرتن. دبێژیت ژی، "د
نزیکترین دەمدا، جوتیار دێ شایستە داراییێن خۆ وەرگرن".
ئەڤرۆ سێشەمبی، نەوزاد
کامل ڕێڤەبەرێ گشتیێ بارزگانیێ یا سەرب وەزارەتا بارزگانی و پیشەسازیا حکومەتا ھەرێما
کوردستانێ ڤە، ڕاگەهاندنەک بەلاڤکر و دناڤدا هاتیە، پڕۆسەیا وەرگرتنا گەنمی ل هەمی
سایلۆیێن ھەرێما کوردستانێ بەردەوامە.
ئاماژە ب وێ ژی دا، تا
نها کۆژمێ ٢١٣ ھزار و ١٣٣ تەن و ٢٦٠ کیلۆگرامێن گەنمێ جوتیاران ل سایلۆیێن ھەرێما
کوردستانێ هاتینە وەرگرتن.
بەحسا وێیەکێ ژی کر، ل
سایلۆیێن سلێمانی، گەرمیان و راپەڕین کۆژمێ ٩٨ ھزار و ٩٧٠ تەن و ٢٠ کیلۆگرامێن گەنمێ
جوتیاران هاتیە وەرگرتن.
ڕێڤەبەرێ گشتیێ
بارزگانیا هەرێمێ ئەویەک ژی دادیارکرن، تانها ل سایلۆیا ھەولێرێ، ٧٠ ھزار و ٨٢١ تەن
و ١٢٠ کیلۆگرامێن گەنمێ جوتیاران و ل سایلۆیێن فەیدیە، شێخان و زاخۆژی، ٤٣ ھزار و
٣٤٢ تەن و ١٢٠ کیلۆگرامێن گەنمی هاتینە وەرگرتن.
نەوزاد کامل رێڤەبەرێ
گشتیێ بارزگانیێ، داخاز ژ جوتیاران کر، گەنمێ خۆ رادەستی سایلۆیان بکەن.
گۆتژی، د نزیکترین دەمدا،
جوتیار دێ شایستە داراییێن خۆ وەرگرن.
ژ سالا ٢٠١٤ ڤە ناکۆکی
دناڤبەرا هەرێما کوردستانێ و حکومەتا ناڤەند دا دروست بووینە، ب وێ سەدەمێ جوتیارێن
هەرێما کوردستانێ نەکاریە پارەیێ گەنمێ خۆ وەربگرن، ئەڤێ ژی وەسا ل جوتیاران کر باوەریا
وان ب سایلۆیان نەمینیت.