PM:04:07:05/07/2022
1580 جار خوێندراوەتەوە
+
-
سیپان ئامێدی پەرلەمانتارێ نەوەی نوێ ل پەرلەمانێ کوردستانێ، بۆ ئێن ئاڕ تی ڕاگەهاند، د نهادا رەوشا ئەمجەد یوسف دەستەسەرکریێ شێلادزێ گەلەک یا خرابە و ئێخستیە د ژۆرەکا تاکەکەسیدا و بەردەوام دهێتە ئەشکەنجەدان، رەوشا وی دەم ب دەم خرابتر لێ دهێت، دبێژیت ژی، مەترسی لسەر ژیانا وی هەیە.
بەحسا وێ یەکێ ژی کر، کو ئەمجەد رێکانی تووشی ڤایرۆسەکێ کوژەک بوویە، د سەر نەخۆشیا خۆ ڕا، نکاریت چارەسەریێ وەرگریت، و پێدڤی ب چارەسەریەکا بلەز یا نۆژداری هەیە.
ئاماژە ب وێ یەکێ ژی کر، گیانێ دەستەسەرکریێن بەھدینان تایبەت دەستەسەرکریێن شێلادزێ، د ستویێ دادگەھ ودەزگەھێن ئەولەکاری و چاکسازیا ھەولێرێ و وەزارەتا کاروبارێن جڤاکیدایە.
ددەمەکیدا، ئەڤە بوو دەمێ سالەک و شەش مەهانە گرتیێن شێلادزێ د زیندانێدانە و زێدەباری دادگەهکرنا وان و وەرگرتنا حوکمێ خۆیێ یێ یاسایی، بڕیاربوو کو ل ڤێ حەفتیێ ئازادکرنا ب مەرج ژێبگریت، لێ هەیا نها نەهاتینە ئازادکرن.