AM:10:17:05/07/2022
768 جار خوێندراوەتەوە
+
-
دەستەیا سەقاناسیا عێراقێ ڕاگەهاند،
تۆزبارینا ئەڤ جارە هەرێمێ ناگریت و بتنێ ل دەڤەرێن رۆژئاڤا و ناڤەڕاست و باشور
تۆزبارینەکا کێم دبیت. دبێژیت ژی، "تۆزبارینا ئەڤجارە پێتڤی ب ڕاگرتنا دەواما
فەرمانبەران ناکەت".
ئەڤرۆ سێشەمبی، عامر جابر پەیڤدارێ دەستەیا
سەقاناسیا عێراقێ بۆ میدیایێن ناڤخۆی ڕاگەهاند، ئەسمانێ وەلاتی ب هەرێمێ ڤە ساهی
دبیت، بتنێ ل دەڤەرێن رۆژئاڤا و ناڤەڕاست و باشور تۆزەک کێم دبیت.
ئاماژە ب وێیەکێ ژیکر، ل هەرێمێ سەقا جێگر دبیت،
لێ ل دەڤەرێن دی یێن وەلاتی ب گشتی دیاردەیا تۆزبارینێ دبیت.
گوتژی، ژبەرکو لەزاتیا بای دێ دناڤبەرا ٣٠ بۆ
٤٠ کیلۆمەتران د دەمژمێرەکێ دا بیت، بڤێ ژی تۆزبارینا ئەڤجارە هەڤئاوایێ جارێن
بەرێ دژۆار نابیت، هەر ژبەر هندێ پێتڤی ب ڕاگرتنا دەواما فەرمی ناکەت.
بەحسا وێیەکێ ژیکر، دروستبوونا باهۆز و تۆزێ
د هەوای دا دیاردەیەکا ئاسای یە و سەدەمێ وێ ژی کێمیا بارانێ و هشکەسالیێ یە.
لگۆرەی ڕاپۆرتەکا رێکخراوا نیڤدەولەتیا
عێراقێ پێنجەم وەلاتە لسەر ئاستێ جیهانێ کو گۆهۆرینێن سەقای کارتێکرن لسەر دانایە
و زۆرترین دیاردەیا تۆزبارینێ د ئەڤ سالەدا بوویە.