AM:09:35:05/07/2022
268 جار خوێندراوەتەوە
+
-
کڤانێ هەڤبەندیێ ڕاگەهاند، داخاز ژ هێزێن
کوردی کریە ژ پێخەمەت تەمامکرنا مافێن دەستوری یێن دی بزاڤێن خۆ چڕ بکەن و کار
لسەر ئێکلاکرنا بەرژیرێ سەرۆکاتیا کۆماری بکەن.
کڤانێ هەڤبەندیێ پشتی ئەنجامدانا جڤینا خۆیا
ئاسای ب بەرهەڤبوونا هەمی سەرکردە و سەرۆکێ فڕاکسیۆنێن سیاسی ڕاگەهاندنەک بەلاڤکر
و تێدا هاتیە، داخازێ ژ ئالیێن کوردی دکەن کو بەربژێرێ خۆ بۆ پۆستێ سەرۆککۆماریا
عێراقێ ئێکلا بکەن.
ئاماژە ب وێیەکێ ژیکر، د جڤینێ دا گۆتۆبێژا
چەندین پێشهاتێن گۆرەپانا سیاسیا عێراقێ، داوی پێشهات و پرسێن گرێدای ئالیێن سیاسی
و بەرهەڤکرنا کارنامەیا حکومەتێ کو دگەل خواستا گەلێ عێراقێ بگۆنجیت، پێکئینان.
بەحسا وێیەکێ ژیکر، پرسا دیارکرنا پیڤەر و
رێکارێن هەلبژارتنا سەرۆکوەزیران و وەزیران ب ئاوایەکێ کو بگونجیت دگەل گرنگی و
هەستیاریا ڤێ قۆناغێ و دانانا دەمێ ئێکلاکەر بۆ وێ پرسێ، گۆتۆبێژکرن.
ئەڤە د دەمەکێ دایە، دوهی جەبار مەعموری
سەرکردە د کڤانێ هەڤبەندیێ دا بۆ میدیایێن ناڤخۆی ڕاگەهاند، دوو رۆژان بەریا نها
سەررکردەیێن کڤانێ هەڤبەندیێ گۆتۆبێژ لسەر دەرگەهێ خۆ بەربژێرکرنێ بۆ پۆستێ
سەرۆکوەزیران ڤەکر و پێنج ناڤ دیارکرن کو دیارترینێ وان نوری مالیکی یە.