PM:05:47:04/07/2022
860 جار خوێندراوەتەوە
+
-
ژێدەرەکێ بەژدار د روونشتنا دادگەها کەرەخ دا
ل باژێرێرێ بەغدایا پایتەختێ عێراقێ ڕاگەهاند، دادگەهێ بڕیارەک دەربارەی گرێبەستێن
هەر ئێک ژ کۆمپانیێن " DNO, Genel Energy, WZ, HKN"
کو مژیلی بەرهەمئینانا پەتڕۆلێ نە ل هەرێمێ دەرخست. دبێژیت ژی، "بڕیار د
بەرژەوەندیا وەزارەتا پەتڕۆلا عێراقێ دا بوویە".
ئەڤرۆ دووشەمبی، ژێدرەکێ بەژدار د روونشتنا
دادگەها کەرخ دا بۆ دەنگێ ئەمریکا ڕاگەهاند، دادگەهێ کو روونشتنەکا تایبەت ب
دۆسەیا وان کۆمپانیێن پەتڕۆلێ یێن گرێبەست دگەل وەزارەتا سامانێن سروشتی یا
حکومەتا هەرێمێ هەیە ئەنجامدا.
ئاماژە ب وێیەکێ ژیکر، ل داویێ دادگەهێ بڕیار
لسەر گرێبەستێن چار کۆمپانیێن پەتڕۆلێ دەرخست و بڕیاردان لسەر سێ کۆمپانیێن دی ژی
پاشخست.
ژێدەری ئاشکراژیکر، دادگەهێ بڕیار لسەر
گرێبەستێن چار کۆمپانیێن پەتڕۆلێ دگەل هەرێمێ کو پێکدهێن ژ " DNO, Genel
Energy, WZ, HKN" دا.
ژێدەری ئاماژە ب وێیەکێ ژیکر، د ناڤ دادگەهێ
دا بڕیار لسەر چار کۆمپانیان نەهاتنە ئاشکراکرن، لێ ژێدەری گوت، بڕیار د
بەرژەوەندیا وەزارەتا پەتڕۆلا عێراقێ دا بوویە کو بەریا نها سکالا لسەر وان
کۆمپانیان تۆمارکربوو.
هەر ل گۆرەی گوتنێن ژێدەری، دادگەها کەرخ
بڕیار لسەر سکالایا سێ کۆمپانیێن دی ژی پاشخست، ب ئاوایەکێ دادگەهکرنا کۆمپانیا
گەلف کیستۆن بۆ ٦ی مەهێ و هەروەسا دادگەهکرنا کۆمپانیا شامەروان و ئاداکس بۆ ١٧ی
مەهێ پاشخست.
بڕیاردانا دادگەها کەرخ دژی وان کۆمپانیێن
پەتڕۆلی یێن گرێبەست د گەل هەرێمێ هەنە، پشتی سکالایێن وەزارەتا پەتڕۆلا عێراقێ و
بڕیارێن دادگەها فیدڕالی دهێت، کو پرۆسەیا پەتڕۆلا هەرێمێ ب نەیاسایی نە دەستوری
بناڤکری.