PM:03:43:04/07/2022
676 جار خوێندراوەتەوە
+
-
رێڤەبەرێ بالەفڕخانەیا هەولێرێ ڕاگەهاند، رێگری کریە ل روینشتنا بالەفڕەکا ئیرانێ کو ئامادەنەبوو زانیاریان لسەر گەشت و سەرنشینان بدەت.
دەربارەی بوویەرێ دژەتیرۆرا کوردستانێ ڕاگەهاند، ئەحمەد هۆشیار رێڤەبەرێ بالەفڕخانەیا ناڤدەولەتیا هەولێرێ بۆ میدیایان ڕاگەهاند، بڕیاربوو ئەڤرۆ هێلا ئەسمانیا ئیرانێ، ئێکەم گەشتا دناڤبەرا ورمێ- هەولێر ئەنجامبدەت، لێ بسەدەمێ چەند رێکارێن یاسایی رێک ب روینشتنا بالەفڕێ نەدیایە.
ئەو ژی هاتیە، ب گوتنا رێڤەبەرێ بالەفڕخانەیێ؛ چار رۆژن داخاز ژ هێلا ئەسمانیا ئاتا یا ئیرانێ کریە، زانیاریێن تەمام دەربارەی بالەفڕێ و سەرنشینان و ئەو بارێ هەلگرتی، بدەت، وەک رێکارێن یاسایی و ئاسایی یێن بالەفڕخانەیا ناڤدەولەتیا هەولێرێ.
دیارکر ژی، لێ هێلا ئەسمانیا ئیرانی رەتکریە زانیاریان ب بالەفڕخانەیا ناڤدەولەتیا هەولێرێ بدەت، ژبەر وێ یەکێ رێک ب روینششتنا بالەفڕا ئیرانی نەدایە.