PM:02:33:04/07/2022
688 جار خوێندراوەتەوە
+
-
دەستەیا سەقاناسیا عێراقێ ڕاگەهاند، ژ سوبەهی سێشەمبی پێلەما نوی یا تۆزبارنیێ دێ دەستپێکەت و دویریا دیتنێ ل پتریا دەڤەرێن وەلاتی دێ کێمبیت و لدویف ڕاگەهاندنێ، رۆژا ئەینی دێ باندوری لسەر هەرێما کورستانێ هەبیت و تۆز دێ د هەوایدا هەبیت.
لدویف پێشبینیێن دەستەیا سەقاناسیا عێراقێ، پێلەکا تۆزبارینێ ل دەڤەرێن عێراقێ و ب تایبەتی دەڤەرێن باشوری دێ ڤەگریت و لەزاتیا بای دێ ١٠ بۆ ٢٠ کیلۆمەتران بیت ددەمژمێرەکێدا کو ڤێ ژی باندوریێن بەرچاڤ هەنە لسەر زێدەبوونا تۆزێ د هەوایدا.
ئەڤە ددەمەکیدا، دەمێ سێ رۆژانە پێلەکا تۆزبارینێ بەرەف دەڤەرێن ناڤەراست و باشورێ عێراقێ هاتیە و ب وی سەدەمی دوهی بالەفڕخانەیا بەغدا بۆ دەمەکی هاتە داخستن.
هەڤدەم، دەربارەی وێ پێلا تۆزبارینا بەرەف عێراقێ هاتی، وەزارەتا ساخلەمیێ داخاز ژ وەلاتیان کر ئەگەر کارەکێ پێدڤی نەبیت ژ مالێن خۆ دەرنەکەڤن.
بەحسا وێ یەکێ ژی کر، هەیا نها نێزیکی ٥٠٠ کەسان بسەدەمێ تۆزبارینێ و تەنگەنەفەسێ هاتینە رەوانەکرن بۆ نەخۆشخانەیان.
هەڤدەم، ژ ئالیێ خۆ رێڤەبەریا گشتیا سەقاناسیا هەرێمێ ڕاگەهاند، سەقایێ باژێرێن کوردستانێ بۆ ئەڤرۆ و سوبەهی دێ ساهی بیت و لەزاتیا بای دێ دناڤبەرا ١٠ بۆ ٢٠ کیلۆمەتراندا بیت د هەر دەمژمێرەکێدا.