PM:05:49:03/07/2022
1072 جار خوێندراوەتەوە
+
-
ئەندام پەرلەمانەکێ
عێراقێ ل فراکسیۆنا دەولەتا یاسا ڕاگەهاند، نوری مالیکی بەربژێرێ پارتا وانە بۆ وەرگرتنا
پۆستێ سەرۆک وەزیران و ئەڤرۆ دەربارێ وێ پرسێ جڤینەکێ ئەنجامددەن. دبێژیت ژی،
"مالیکی خودانێ وێ کەساتیێ یە کو هەمی مەرج تێدا هەنە."
ئەڤرۆ ئێکشەمبی،
مەحەمەد سەیهود ئەندام پەرلەمانێ عێراقێ ل فراکسیۆنا دەولەتا یاسا بۆ مەدیایێن ناڤخۆیی
ڕاگەهاند، ئیئتلافا دەولەتا یاسا ئەڤرۆ دەربارێ بەربژێرکرنا نوری مالیکی سەرۆکێ ئیئتیلافا
وان دێ جڤینەکێ ئەنجامدەت و دێ داوی بڕیارا خۆ دەن.
ئاماژە ب وێ ژی
دا، د جڤینێ دا دێ بەحس ژ نوترین پێشهاتێن سیاسی و بەرەڤ پێشچوونێن پرۆسەیا سیاسی
ل عێراقێ کەن.
گۆت ژی، کەساتیا
نوری مالیکی هەمی پێڤەرێن کەساتیا بوون ب سەرۆک وەزیران دناڤدانە و بەربژێرێ دەولەتا
یاسایە بۆ وی پۆستی.
مەحەمەد سەیهود بەحسا
وێ ژی کر، قۆناغا بهێت ب زەحمەت دبیت، نوری مالیکی ژی هەمی ئەو پێڤەر تێدانە کو کڤانا
هەڤبەندی پێشتر ڕاگەهاندبوو کو پێتڤیە د کەساتیا کەسێ بەربژێردا هەبن بۆ پۆستێ سەرۆک
وەزیران.
ئەڤە د
دەمەکیدایە، رۆژا ئەینی ١ی ٧ی ٢٠٢٢ عەلی فەتلاوی بۆ میدیایێن ناڤخۆ ڕاگەهاند، پێتڤیە
ئەو کەسێ دبیتە سەرۆک وەزیرێن نوی داهاتیێ عێراقێ بهێز و لێهاتی بکەت و پاقژ و خودان
ئەزموونا سیاسی و شیعی بیت.
عەلی فەتلاوی
ئاشکەراژی کر، تا نها کڤانا هەڤبەندی ناڤێ وی کەسی دیار نەکریە کو دبیتە سەرۆک وەزیرێن
داهاتی، د نها دا بتنێ لدیڤ کەسەکی دگەڕێن خودانێ وان تایبەتمەندیان بیت.
پشتی دەست ژکار
کێشانا هەمی پەرلەمانتارێن فراکسیۆنا سەدری، رێک ل پێشیا کڤانا هەڤبەندی هاتەڤەکرن
تا ب ئاوایەکێ بەرفرەهتر دەست ب گۆتوبێژێن خۆ دەربارێ پێکئینانا حکومەتێ دگەل ئالیان
دەست پێبکەت.