PM:06:37:02/07/2022
652 جار خوێندراوەتەوە
+
-
فیدراسیۆنا تەڤایا پەنابەرێن عێراقێ ڕاگەهاند، ژنەکا دوو گیان پشتی گەهشتن ب کەنارێن یۆنان ژ ئالیێ پۆلیسێن نۆبەدارێن دەریایێن وی وەلاتی هاتیە دیپۆرتکرن و بەری گەهشتنا وێ بۆ کەنارێن تورکیا زارۆک ژ دایکبوو. دبێژیت، "د نهادا ساخلەمیا دەیک و زارۆکی ژی جێگیرە".
ئەڤرۆ شەمبی، فیدراسیۆنا تەڤاهی یا پەنابەرێن عێراقێ ڕاگەهاندنەک بەلاڤکر، دوهی ئەینی ل دەڤەرا دیدیم ٢٨ پەنابەر هاتینە رزگارکرن کو بەریا نها گەهشتینە دورگەهێن یۆنان و ژ ئالیێ پۆلیسێن نۆبەدارێن دەریایێن یۆنان هاتبوونە دەستەسەکرن.
ئاماژە ب وێ یەکێ ژی کر، دناڤ پەنابەراندا ژنەکا دوو گیان هەبوو ب ناڤێ "هاڤەل کاپتا" کو خەلکا کامیرۆن بوو.
ڕاگەهاندنێ ئەو ژی دیارکر، هەرچەندە پەنابەران داخاز ژ پۆلیسێن نۆبەدار کر کو ئەو خانمە د وی دەمیدایە کو زارۆک دێ ژ دایکبیت، لێ بێ گۆهدان ب وێ رەوشێ تەڤایا پەنابەران ب هەمان بەلەم دیپۆرتی سنورێ دەریایێن تورکیا کرینە.
دیارکر ژی، ل دەمێ دیپۆرتکرنێ ل ناڤەڕاستا دەریا ئیجەدا ب هەڤکاریا پەنابەرێن دی زارۆکێ وێ خانمە هاتە دونیایێ، پشتی د گەهنە سنورێ دەریایێ تورکیا ژ ئالیێ پۆلیسێن نۆبەدارێن دەریایێن تورکیا هاتینە رزگارکرن و ئەو ئافرەتە و زارۆیێ وێ یێ ژ نوی ژ دایکبووی گەهاندینە نەخۆشخانەیەکا تایبەتا ژنان و زارۆ ژی هێلایە ل بن چاڤدێریا نۆژداران.
هەر لدویف ڕاگەهاندنا فیدراسیۆنا تەڤاهیا پەنابەرێن عێراقێ، ساخلەمیا دایکێ و زارۆکی د نهادا گەلەکا باشە و ناڤێ وی ژی کرە "جۆڤێل کافتا".