PM:12:41:02/07/2022
1164 جار خوێندراوەتەوە
+
-
مەسعود بارزانی سەرۆکێ
پارتی دیموکراتی کوردستان د دیدارەکا رۆژنامەڤانیدا ڕاگەهاند، ئەگەر حکومەتا فیدرالی
ل سالا ٢٠٠٧ێ جددی با ل داڕشتنا یاسایا پەترۆل و غازێ، گەلەک دەم بۆمە ڤەدگەریا و
زۆربەیا ئاریشەیان ژی چارەسەر دبوون.
مەسعود بارزانی سەرۆکێ
پارتی دیموکراتی کوردستان د دیدارەکێ دا دگەل رۆژنامەیا وەفدا مسری ڕاگەهاندیە،
"هێز هەنە کار بۆ وێ چەندێ دکەن یاسا ب ئاوایەکێ نشتمانی و ب کۆکبوونا هەمی عێراقیان
نەهێتە دارشتن، ئەڤەژی بوویە سەدەمێ ئالۆزتربوونا وی بابەتی د ناڤبەرا هەرێما
کوردستان و حکومەتا فیدرالی دا."
ئاماژە ب وێ ژی دا،
"پێتڤیە لەز بهێتەکرن ژ دەرێخستنا یاسایەکێ بۆ کو پرسا ئەنرژیێ بهێتە ڕێکخستن،
نەک بتنێ دناڤبەرا هەرێم و بەغدا دا، بەلکو دناڤبەرا هەمی پارێزگەهان دا کو بەرهەمێ
پەترۆلی هەیە. ئەگەر حکومەتا فیدرالی ل سالا ٢٠٠٧ڤە جددی با ل داڕشتنا یاسایا پەترۆل
و غازێ، گەلەک دەم د زڤڕی و زۆربەیا ئاریشەیان ژی چارەسەر دبوون."
مەسعوود بازرانی بەحسا
وێیەکێ ژی کریە، "جهێ داخێ یە رەوشا نها یا عێراقێ ئالۆزە، ڕاستی قەیرانەکا کویر
بوویە ب سەدەما وان ئاڵۆزیان پشتی ڕاگەهاندنا ئەنجامێن هەلبژارتنان دروستبوویە، ل گۆتوبێژان
بەردەوامین بۆ چارەسەرکرنا ئاریشەیان."
ڕاگەهاندیە ژی، پشتی
ڤەکشیانا سەدری، رەوش هێشتا د قۆناغەکا دەسپێکی دایە.
دەربارێ ناڤبەرا خۆ و
سەدری ژی ئەویەک دایە دیارکرن، "مە پەیوەندیا دۆستانە دگەل سەدری هەیە و پەیوەندی
ب هەڤپەیمانەتیا مە نینە، ب گشتی ژی هەڤپەیمانیا مە لسەر بنەمایێ دوژمنایەتیێ دگەل
ئالیێن دی پێکنەهاتبوو، بەلکو ئەم وەسا هزردکەین کو پێتڤیە هەڤپەیمانی لسەر بنەمایێ
نشتمانیێ بنیات بنێن کو بناغەیا وێ دەستوری بیت و ئارمانجا وێ پاراستنا دەستکەفتێن وەلاتیان و کارکرن بۆ
خزمەتکرنا وەلاتیان و دابینکرنا پێتڤیێن دەسپیکیێن وان و چارەسەرکرنا ئاریشەیان ب رحەکا
تەمام نیشتمانپەروەرانە بیت."
سەرۆکێ پارتی ئاماژه ب
وێ ژی کریە، "سەرکەفتی بووین ل داڕشتنا دەستوورەکێ باش کو مافێن خەلکێ هەرێما
کوردستانێ و هەمی عێراقیان زامن بکەت، لێ تانها پابەندی وی دەستوری نەبووینە".