AM:09:38:02/07/2022
464 جار خوێندراوەتەوە
+
-
وەزارەتا پەترۆلا عێراقێ
ڕاگەهاند، داهاتێ پەترۆلێ د مەها دەربازبوی دا ١١ ملیار و ٥٠٥ ملیۆن دۆلار بوونە، ئەڤەژی
بلندترین داهاتێ مەهانەیێ پەترۆلێ یە د دیرۆکا ولاتی دا.
وەزارەتا پەترۆلا عێراقێ
د ڕاگەهاندنەکێ دا بەحسا وێیەکێ کر، مەها حوزەیرانا دەربازبوی ١٠١ ملیۆن و ١٩١ هزار
بەرمیلێن پەترۆلێ هاتینە شاندن بۆ بازارێن جیهانێ، ب ئاوایەکی نێزیکی ٩٨ ملیۆن بەرمیلێن
پەترۆلێ ل زەڤیێن پەترۆلیێن باشور و ناڤەڕاستا ولاتی بوونە و نێزیکی سێ ملیۆن بەرمیل
ژی ل زەڤیێن کەرکوکێ ل ڕێکا بەندەرێ جەیهانا تورکیا هاتینە شاندن.
ئەویەک ژی دایە
دیارکرن، ب کۆم رۆژانە سێ ملیۆن و ٣٧٣ هزار بەرمیلێن پەترۆلێ هاتینە شاندن و هەر بەرمیلەکێ
پەترۆلێ ژی ب ١١٣ دۆلار و ٧٠ سەنتان هاتیە فرۆتن.
مەها ئایارا ئەڤسالە،
١٠٢ ملیۆن و ٣٣٠ هزار بەرمیلێن پەترۆلێ هاتینە شاندن و داهاتێ وێ ١١ ملیار و ٤٣٦
ملیۆن دۆلار بوونە، ب گشتی ژی هەر بەرمیلەک ب ١١١ دۆلار و ٧٩ سەنتان هاتیە فرۆتن.