PM:02:23:01/07/2022
7552 جار خوێندراوەتەوە
+
-
مەلا شڤان حەمودی
ڕاگەهاند، ئەڤرۆ ژئالیێ ئەوقافێ ڤە هاتیە هایدارکرن کو بۆ دەمێ چەند حەفتیان ژ
کارێ گوتاربێژیێ هاتیە ڕاگرتن و مافێ گوتاربێژیێ نینە.
د داخویانەیەکێ
دا مەلا شڤان حەمودی گوتاربێژێ مزگەفتا ملحم محێ ل سەنتەرێ باژێرێ دهۆکێ ڕاگەهاند،
ئەو قافا پارێزگەها دهۆکێ ئەو هایدارکریە و بۆ هەیاما چەند حەفتیان نابیت ئەو
گوتاران بخۆینێت ژبەر کو کارێ وی هاتیە ڕاگرتن.
ئاماژە ب وێیەکێ ژی کر، ژبەرکو د گەلەک گوتارێن خۆ دا وی
بەحسا گەندەلی و دزیان و خرابیا وان لسەر جڤاکی کریە لێ نزانیت ژبەر کیش گوتارێ کارێ
وی هاتیە ڕاگرتن.
ئاماژە ب
وێیەکێ ژیکر، ئەوقافێ نەگوتیێ کو ئەو ب ئێک جاری هاتیە دورخستن بتنێ هەیاما چەند حەفتیان
مافێ گوتاربێژیێ نابیت.
ئەڤە د دەمەکێ
دایە، بەریا نها ژی چەندین مامۆستایێن ئاینی ل پارێزگەها دهۆکێ ژ میمبەرێ هاتینە
دورخستن و سەدەمێ پتریا وان ژی شێوازێ ئاخفتنێن وان بووینە.
هەڤدەم، بەریا نها وەزارەتا ئەوقافێ بڕیاردا،
ب یەکخستنا گوتارا مامۆستایێن ئاینی و هەمی حەفتیێ ئەو بخۆ تەوەران بۆ مامۆستایان
دیار دکەن، لهەمبەر ڤێ ژی بەشەک ژ مامۆستایێن ئاینی تەکەزیکرن کو پێگیرنابن ب وێ
بڕیارێ ژبەرکو ب دیتان وان ئەو کارە بەڕەڤانیکرنە ژ کارێن بەرپرسێن حکومەتا هەرێمێ
و پشتەڤانیکرنا پەیاما وانە، پشترا لسەر شێوازێ گوتارێن وان و ب هێجەتێن جودا
بەشەکا مامۆستایێن ئاینی ژ کارێ گوتاربێژیێ هاتنە لادان.
و.ح