PM:07:48:30/06/2022
620 جار خوێندراوەتەوە
+
-
نەتەوەێن هەڤگرتی ڕاگەهاند، ل دەما ١٠ سالێن شەڕێ
سوریادا زێدەتر ژ ٣٠٠ هزار وەلاتیێن مەدەنی هاتینە کوشتن و١٣ ملیۆن و ٥٠٠ هزار کەس
ل سوریا ئاوارەبوونە.
نڤیسینگەها مافێن مرۆڤی یا سەر ب نەتەوەیێن هەڤگرتی
د داوی راپۆرتا خۆدا بەحسا وێیەکێ کریە، د ناڤبەرا ئێکێ مەها ئادارا سالا ٢٠١١ کو
شەڕێ ناڤخۆیێ وی ولاتی دەستیپێکریە تا داویا مەها ئادارا سالا ٢٠٢١، زێدەتر ژ ٣٠٠
هزار وەلاتیێن مەدەنی ل سوریا هاتینە کوشتن، ئەڤەژی ڕێژەیا ئێک پۆینت پێنج ژ
سەدێیا ئاکنجیێن سوریایە.
ئەڤەژی هاتیە، شیکاریێن ئامارا نوو لسەر بنەمایا
زانیاریێن بەردەست گەهشتیە ڤێ هەژمارێ، ئەڤەژی بلندترین خەملاندنە تا نها بۆ ژیان ژدەستدانا
وەلاتیێن مەدەنیێن گرێدای ب شەڕ و پێکدادانێ ل سوریا کربیت.
بەحسا وێیەکێ ژی کر، هەر ئێک ژوان وەلاتیێن
سڤیل یێن ژیاناخۆ ژدەستدای د ڕاپۆرتەکێدا بەڵگەسازی بۆ هاتینەکرن، کو ناڤێ تەمام یێ
قوربانی، دەم و جهێ مرنا وی تێدایە.
ئاماژە ب وێیەکێ ژی کریە، ژبەر وی شەری ١٣ ملیۆن
و ٥٠٠ هزار کەس ب ناچاری و ب زۆری ئاوارەبوونە، کو دوو لسەر سێیا ژمارەیا ئاکنجیێن
سوریانە.
لدیڤ خەملاندنێن نەتەوەیێن هەڤگرتی ١١ ملیۆن کەسان
د ناڤ سوریادا پێتڤی ب هەڤکاریێن مرۆڤیێن نێڤدەولەتی هەیە بۆ کو بژین.