PM:07:35:29/06/2022
524 جار خوێندراوەتەوە
+
-
وەزیرێ دەرڤەیێ ئەمریکا ڕاگەهاند، ولاتێ وان نێزیکی
٥٥ ملیۆن دۆلاران وەکی هەڤکاری پێشکێشی وان کەسان دکەت یێن کو ژبەر ئەردهەژا حەفتیا
دەربازبوویا رۆژهەلاتا ئەفغانستانێ زەرەر پێکەفتین.
ئانتۆنی بلینکن وەزیرێ دەرڤەیێ ئەمریکا د ڕاگەهاندنەکێ
دا ئاماژە ب وێیەکێ کریە، ئەو هاریکاریێن مرۆڤیێن بلەز ل ڕێکا ئاژانسا ئەمریکی بۆ
گەشەپێدانا نێڤدەولەتی دهێنە پێشکێشکرن، ڕاگەهاندیە ژی ب وی کۆژمەی پارە تەرخانکریە،
هەڤکاریێن مرۆڤیێن ئەمریکا ل سالا دەربازبوی دگەهنە زێدەتر ژ ٧٧٤ ملیۆن دۆلاران.
وەزیرێ دەرڤەیێ ئەمریکا ئاماژەی ب وێ ژی کریە کو
کۆمەکا هەوارهاتنا بلەز دگەهیتە وان کەسێن کو ب سەدەمێ ئەردهەژێ زەرەر پێکەفتین و
بریتینە ژ خیڤەتان، کەلوپەلێن خارن چێکرنێ، ترمز، بەتەنی، رۆناهیێن ئەنرژیا رۆژێ،
جلوبەرگ و کەلوپەلێن دیێن ناڤ مالێ.
ب گۆتنا ئانتۆنی بلینکن، هەڤکاری بۆ گەهاندنا
ئاڤێ و چێکرنا ئاڤڕێژێ و پاقژیێ ژپێخىەمەت رێگری کرن ژ بەلاڤبوونا وان نەخۆشیێن دهێنە
ڤەگوهاستن کو ل ڕێکا ئاڤێ پشتی کارەساتێن سرووشتی سەرهەلددەن.
حەفتیا دەربازبوی ئەردهەژەک ب گوڕێ ٦.١ پلەیان ل
رۆژهەلاتا ئەفغانستانێ روویدا و ب وێ سەدەمێ هزار و ٥٠٠ کەسان ژیانا خۆ ژدەستدان و
زێدەتر ژ دوو هزار کەسێن دی ژی برینداربوون.