PM:02:58:26/05/2022
736 جار خوێندراوەتەوە
+
-
ئەندامەکێ پەرلەمانێ عێراقێ ل فڕاکسیۆنا
نەوەی نوێ ڕاگەهاند، دجڤینەکێ دا دگەل بەرپرسێن کاروبارێ عێراقێ ل وەزارەتا
دەرڤەیا بەریتانیا ل لەندەن دەربارەی ڕەوشا هەرێما کوردستانێ و هەلبژارتنان و
ئاریشەیا ب زۆر شاندنا پەرنابەران گۆتۆبێژکرن.
ئەڤرۆ پێنجشەمبێ، ئاریان تاوگۆزی ئەندامێ
پەرلەمانێ عێراقێ ل فڕاکسیۆنا نەوەی نوێ ڕاگەهاندنەک بەلاڤکر و تێدا هاتیە، دوهی فڕاکسیۆنا
ڤەلڤینا نەوەی نوێ دیدارەک هەبوو دگەل شاندەکێ بەریتانیا کو پێکهاتبوون ژ ئۆلیڤەر
دیکسن بەرپرسێ کاروبارێن عێراقێ ل وەزارەتا دەرڤەیا بەریتانیا ل لەندەن و نییام
کۆنۆلی بەرپرسێ پرۆگرامێ مافێ مرۆڤی و ژنان ل بالیۆزخانەیا بەرتیانیا ل عێراقێ.
ئاماژە ب وێیەکێ ژیکر، ئێک ژ تەوەرێن سەرەکی
یێن دیدارێ بریتیبوو ژ ئاریشەیێن ب زۆر شاندنا پەنابەرێن کورد ل وی وەلاتی بۆ
عێراقێ و بتایبەتی ژی بۆ بالەفڕخانەیا هەولێرێ.
ئاریان تاوگۆزی دبێژیت ژی، "مە داخازکریە
ب زۆر شاندنا پەنابەران بۆ عێراق و کوردستانێ بهێتە ڕاگرتن و ڕەوشا خرابا ساسی و
ئەولەکاری و ئابووریا عێراق و هەرێما کوردستانێ ب ئاوایەکێ یە کو ژیانا وان
پەنابەران پاراستی نابیت لسەر ئەگەرێن زڤرینا وان".
دیارژیکر، ئێک ژ تەوەرێن دی یێن گۆتۆبێژان
دیدارا ڕەوشا هەرێما کوردستانێ و هەلبژارتنێن پەرلەمانێ کوردستانێ بوویە.
ئەڤە ددەمەکێ دایە، ددەمێ دەربازبووی دا
هەژمارەکا پەنابەرێن کورد ل وەلاتێ بەریتانیا بۆ ئین ئاڕ تی ڕاگەهاند، ل هەولێرێ
پلێت بۆ هەوە هاتینە بڕین و لبەرن ب بالەفڕەکا تایبەت ل بەرواری ٣١ ٥ی ٢٠٢٢ێ دیپۆرتی
هەرێمێ بهێنەکرن.