سەرنووچە:

وێنە.. ل قەزا ئاکرێ ترۆمبێلەک وەرگەریا و کەسەکی ژیانا خۆ ژ دەستدا

PM:01:03:26/05/2022

2768 جار خوێندراوەتەوە

+ -

سپێدەهیا ئەڤرۆ ل دوریانا بجیل ل قەزا ئاکرێ ترۆمبێلەک وەرگەریا و قوتابیەکێ زانینگەها ئاکرێ کو بمەرەما ئەنجامدنانا ئەزموونان چوویە ژیانا خۆ ژ دەستدا و خوشکا وی ژی برینداربوو.

ئازاد تاها رێڤەبەرێ ڕاگەهاندنا هاتن و چوونا پارێزگەها دهۆکێ ڕاگەهاند، سپێدەهیا ئەڤرۆ دەمژمێر ٩:٣٠ خولەک ل دوریانا بجیل ل قەزا ئاکرێ ترۆمبێلەکا ژ جۆرێ نیسان پیکاپ وەرگەریا و تێدا کەسەکی ژیانا خۆ ژ دەستدا و کەسەکا دی ژی برینداربوو.

هەڤدەم، نووچەگەهانێ ئێن ئاڕ تی دادیارکرن، ئەو کەسێ ژیانا خۆ ژ دەستدای ناڤێ وی موراد هشیارە و ئاکنجیێ گوندێ شەرەفونا ل قەزا ئاکرێ.

ئاماژە ب وێیەکێ ژیکر، موراد قوتابیێ زانینگەها ئاکرێ بەشێ پەروەردێ قوناغا دووێ یە ب مەرەما ئەنجامدانا ئەزموونان دگەل خۆشکا خۆ چوویە ئاکرێ و ڕاستی بوویەرەکا وەرگەریانێ هاتینە.

ئەڤە ددەمەکێ دایە، دوهی لسنورێ پارێزگەها دهۆکێ دوو بوویەرێن جودا ل سنورێ قەزا سێمێلێ روویدان و تێدا کەسەکی ژیانا خۆ ژ دەستدا و شەش کەسێن دی ژی برینداربوون.

هەڤدەم، بوویەرێن هاتن و چوونێ ئێک ژ سەدەمێن سەرەکی یێن ژیان ژ دەستدانێ ل سەرتاسەری عێراق و هەرێما کوردستانێ دهێنە هەژمارتن و سالانە ب سەدان کەس دبنە قوربانیێن بوویەرێن ترافیکی.


No description available.

No description available.

No description available.

گەلەری