سەرنووچە:

ژینگەها هەرێمێ: ژبەر بۆمبەبارانێن تورکیا و ئیرانێ ملیۆنەک دۆنەمین دارستانا هەرێمێ شەوتینە

PM:12:34:26/05/2022

380 جار خوێندراوەتەوە

+ -

پەیڤدارێ فەرمیێ دەستەیا ژینگەها هەرێما کوردستانێ ڕاگەهاند، ئەو نەشێن تۆزبارینێ ڕابگرن، ژبەرکو ل دەرڤەی هەرێمێ دهێت. دبێژیت ژی، "ژبەر بۆمبەبارانێن تورکیا و ئیرانێ ملیۆنەک دۆنەمین دارستانا هەرێمێ شەوتینە".

عەبدولقادر خەیلانی پەیڤدارێ فەرمی یێ دەستەیا ژینگەها هەرێما کورستانێ بۆ دەنگێ ئەمریکا ڕاگەهاند، سەدەمێن دروستبوونا تۆزبارینێ و کیمیا رێژا شێ د وان جهێن تۆزبارین ژێ هاتیە و بوونا هەوایێ بلەز و هەڤگرتی.

دبێژیت ژی، تۆزبارین ئەونینە ژ ئەسمانی بهێتە خارێ، بەلکو ڤەگۆهاستنا تۆزێ یە ژ جهەکێ بۆ جهەکێ دی، ئەو جهێ کو تۆز لێ بوویە و دگەل هەوای هاتیە بەرەڤ ناڤەڕاستا عێراق و هەرێما کوردستانێ ژی، بۆ نمونە ل رۆژهەلاتا ئوردن و ل رۆژهەلاتا سوریا و ل باکورێ ئەفریقیا ژ وان جهان هاتیە.

ئاماژە ب وێیەکێ ژی کریە، "نابیت وێ تۆزبارینێ ڕابگرین، ژبەرکو لدەڤ مە نینە ژ دەرڤە بۆ مە دهێت".

عەبدولرزاق خەیلانی بەحسا وێیەکێ ژیکر، رێژا کەسکاتیێ ل باژێرێن هەرێما کوردستانێ جوانە، ب رێژا ١٠%ێ یان ١٢%ێ یان ٨٨%ێ جودایە ل دیڤ باژێران، بەریا نها سەرۆکێ دەستەیا ژینگەهێ ڕاگەهاند، ل ٢٠١٠ێ هەیا ٢٠١٩ێ ژبەر تۆپبارانێن تورکیا و ئیرانێ ملیۆنەک دۆنەمێن دارستانێ ل هەرێما کوردستانێ شەویتنە.

پەیڤدارێ فەرمی یێ دەستەیا ژینگەها هەرێما کوردستانێ بەحسا وێیەکێ ژیکر، هەمی بابەت پەیوەندی ب گوهۆرینا سەقای ڤە هەنە ژبەر وێیەکێ بلندبوونا پلێن گەرمێ و کێمبوونا باران بارین و کێمبوونا رێژا شێ ل وان جهان سەدەمن ژبوی وێیەکێ کو ئەو تۆزبارینە دروست ببیت.

دەربارەی پێشبینیان بۆ داهاتیا تۆزبارینێ ل هەرێمێ و چارەسەرکرنا وێ عەبدولرەزاق خەیلانی گوت، ئەو دزڤریت لسەر وان سەدەمان کو سەرەکی نە بۆ دروستبوونا تۆزبارینێ ئەگەر شیان وان سەدەمان لابدەن یانی تۆزبارین کێم دبیت، لێ ئەگەر نەشیان وان سەدەمان لابدەن واتا تۆزبارین زێدەتر دبیت بۆ نمونە نها پرۆژەیەک هەیە دناڤخۆیا سعودیەدا کو دێ ١٠ ملیۆن داران چینیت ددەمێ ١٠ سالێن داهاتی دا ئێدی ئەوێ ژی کارتێکرنەکا زۆر دبیت لسەر کێمبوونا تۆزبارینێ ژبەر کو دارا چاندی و ئاڤا دابینکری بۆ وان جهان ئێدی ئەو تۆزا کو ل وێرێ هەبوو دگەل بای ڤەدگۆهێزێت ب هەبوونا دارستان و ئاڤێ ئێدێ ناهێتە ڤەگۆهاستن یانی تۆزبارین کێم دبیت.

ئەڤەژی ددەمەکێ دایە، هەیاما چەندین پێلێن تۆزبارینێ بەرەڤ عێراقێ هاتینە و لدیڤ ئامارێن سەقاناسیێ بتنێ ژ دەستپێکا ئەڤ سالە و هەیا نها زێدەتری ژ ٢٥ پێلێن تۆزبارینێ بەرەڤ هەرێمێ هاتینە.

گەلەری