سەرنووچە:

سەرۆکێ هەرێمێ: داخازێ ژ پارتی و یەکێتی دکەم دەستێوەردانا حزبی دکاروبارێن پێشمەرگەی دا ڕابگرن

PM:12:17:26/05/2022

560 جار خوێندراوەتەوە

+ -

ئەڤرۆ رێورەسمێن ٢٧مین خولا سەربازیا ئەکادمیا سەربازیا زاخۆ برێڤەچوو تێدا سەرۆکێ هەرێمێ د گوتارەکێ دا گوت، حزب رێگرن ل هەمبەر پێشکەفتن و هەڤگرتنا هێزێن پێشمەرگەی. هەڤدەم، داخاز ژ پارتی و یەکێتی کر دەستێوەردانا حزبی د وان هێزان دا ڕابگرن.

نێچیرڤان بارزانی سەرۆکێ هەرێما کوردستانێ فەرماندارێ گشتیێ هێزێن پێشمەرگەی ئەڤرۆ ل ئەکادیمیا سەربازیا زاخۆ ڕاگەهاند، هێزا پێشمەرگەی بەشەکە ژ سیستەمێ بەرەڤانیا عێراقێ لەورا داخازێ ژ ئالیێن پەیوەندیدارێن عێراق و هێزێن هەڤپەیمانان دکەم زێدەتر هاریکاریا پێشمەرگەی بکەن لسەر ڕاهێنان و پێدانا چەکێ پێشکەفتی.

هەڤدەم گوتژی، "دەستێوەردانا حزبی وەدکەت بەردەوام مەترسیا وێیەکێ هەبیت پێشمەرگەی بکەنە بەشەک ژ هەرڤرکیێن سیاسیێن حزبان ل هەرێما کوردستانێ ئەڤەژی گەفەکا زۆر جدی یە لسەر پرۆسەیا دیموکراسی و برێڤەبرن و یەکێتیا کوردستانێ".

ئاماژە ب وێیەکێ ژیکر، ئەو وەکی ئەرکێ خۆیێ یاسایی کو فەرماندارێ گشتیێ هێزێن پێشمەرگەی یە داخازێ ژ پارتی و یەکێتی دکەت دەستێوەردانا حزبی دکاروبارێن پێشمەرگەی دا ڕابگرن.

بەحسا وێیەکێ ژیکر، هەتا نها هەردوو هێزێن پشتەڤانیا ئێک و دوو هەروەسا ٢٢ لیوایێن هێزێن ٧٠ێ و ٨٠ێ کەفتنە سەر هێزێن پێشمەرگەی لێ ئەڤە بەس نینە دڤێت ھێزا پێشمەرگەی ببیتە ئێک و هەمی دەستێورەدان بێهنە ڕاگرتن.

سەرۆکێ هەرێمێ گوتژی، ئەم هەمی عێراقی نە و دڤێت پێکڤە ب ڤێ روحیەتێ بەرەڤ چارەسەرکرنا ئاریشان بچین ل عێراقێ و پێکڤە روونینە خارێ و شکاندن و ئێک و دوو قەبیلنەکرنێ نەھێلین. هەروەسا، داخاز ژ عێراقێ کر ب چاڤەکێ تەمامکەر و هەڤپشک بەرێ خۆ بدەنە هەرێمێ ژبەرکو شکەستن و سەرکەفتینێن هەردوو ئالیان ئێکن.

ئەڤە ددەمەکێ دایە، ئەڤرۆ رێورەسمێن دەرچوونا ٢٧مین خولا سەربازیا پێشمەرگەی ل ئەکادیمیا زاخۆ ب بەژداریا ٤٩٩ قوتابیان بڕێڤەچوو.

گەلەری