PM:09:26:25/05/2022
864 جار خوێندراوەتەوە
+
-
ئەندامێن پەرلەمانێ روسیا یاسایەک پەسەندکر
کو داویێ ب سنورێ تەمەنی دئینیت بۆ وان سەربازێن بەژداریێ د سوپای دا دکەن، ئەڤە
ژی دبیتە سەدەمێ زێدەبوونا سەربازان دناڤ سوپایێ وی وەلاتی دا.
ئەڤرۆ چارشەمبێ، پەرلەمانێ روسیا
دڕاگەهاندنەکێ دا بەلاڤکریە، د روونشتنا ئەڤرۆدا پرۆژە یاسایەک دەربارەی نەهێلانا
مەرجێ تەمەنی بۆ چوونا دناڤ سوپایێ وی وەلاتی دا پەسەندکر.
هەر د ڕاگەهادنێ دا هاتیە، بەریا نها
وەلاتیێن دسەر تەمەنێ ٤٠ سالیێ دا نەدشیان ببنە سەرباز دسوپایێ روسیادا لێ ژ ئەڤرۆ
و پێدا ئەو سنورە بۆ خوازیارێن بوون ب سەرباز نامینیت.
دڤێ دەربارەیێ دا، ئەندرێی کارتاپۆلۆڤ سەرۆکێ
لژنا بەرەڤانیێ بەحسا وێیەکێ کر، ئەڤ بڕیارا پەرلەمانی دبیتە سەدەمێ ئاسانکاریان
بۆ دامەزراندنا وان کەسێن دخوازن بچنە دناڤ سوپای دا، دبێژیت ژی، "وەلاتیێن
دسەر ٤٠ سالیێ دا دشێن پەیوەندیێ ب سوپایێ رووسیا ڤە بکەن".
ئەڤەژی ددەمەکێ دایە، لدیڤ یاسایێن روسیا،
هەمی زەلامێن روسی کو تەمەنێ وان دناڤبەرا ١٨ بۆ ٢٨ سالیێ دا بیت دڤێت ب ئاوایەکێ
نەچاری بۆ دەمێ سالەکێ دناڤ سوپایێ وی وەلاتی دا خزمەتێ بکەن، لدیڤ نووچەیێ میدیایێن
ناڤخۆی یێن روسیا ژی بەشەک ژ زەلامان کو نەچارن بچنە سوپایێ روسیا ب هێجەتا خاندنێ
ل زانکۆیان خۆ ژ ڤێ بەرپرسیارەتیێ دور دئێخن.
ئەڤە ددەمەکێ دایە، سێ مەهان شەڕێ دناڤبەرا
روسیا و ئۆکرانیا دا بەردەوامە و زیانێن مەزن یێن گیانی بەر ب سوپایێ هەردوو
وەلاتان کەفتینە.