PM:07:59:25/05/2022
752 جار خوێندراوەتەوە
+
-
حکومەتا سعودیە ژبەر زێدەبوونا ژمارا
توشبوویێن پەژیکا کۆرۆنایێ، قەدەغەیا گەشتکرنێ بۆ ١٦ وەلاتان ڕاگەهاند.
لگۆرەی ڕاگەهاندنەکا رێڤەبەریا گشتیا
پاسپۆرتێن سعودیە، حکومەتا وی وەلاتی قەدەغەیا گەشتکرنێ بۆ وەلاتیێن هەر ئێک ژ
لوبنان، سوریا، ئیران،هندستان، ئەفغانستان، یەمەن، سۆمال، ئەسیۆپیا، کۆمارا کۆنگۆ،
لیبیا، ئیندۆنیزیا، ڤیتنام، ئەرمینیا، بیلاروسیا، ڤەنزوێلا و تورکیا ڕاگەهاند.
دڕاگەهاندنێ دا ئاماژە ب وێیەکێ ژی کریە، دەما
کو وەلاتیێن سعودیە دچنە دەرڤەی وەلاتی پێتڤیە سێ قورچێن ڤاکسینا کۆرۆنایێ
وەرگرتبن یان نابیت سێ مەهـ بسەر قورچا دووێ یا ڤاکسینێ دا دەربازببن.
بەحسا وێیەکێ ژیکریە، ئەو کەسێن دەرفەتا
چوونە دەرڤەی وەلاتی وەرگرتینە بۆ وەرگرتنا چارەسەریێ، لسەر قەدەغەکرنا گەشتکرنێ
هاتینە لێبورین.
ئەو ژی ددەمەکێ دایە، ل داویا سالا ٢٠١٩ێ و
دەستپێکا سالا ٢٠٢٠ێ ڤایرۆسێ کۆرۆنایێ د جیهانێ دا بەلاڤبوو و پشتی بەلاڤبوونێ ژی
چەندین گوهۆرین بسەر گەشت و ژیانێ دا هاتن و قەدەغەیا گشتی بۆ دەرڤەی وەلاتان و
کەرەنتینەکرنا جیهانێ دووەم مەزنترین بوویەربوون.