PM:07:47:25/05/2022
4388 جار خوێندراوەتەوە
+
-
پشتی نیڤرۆیا ئەڤرۆ لسەر جاددا سێمێل بۆ
کومەلگەها شاریا بوویەرەکا هاتن و چوونێ دناڤبەرا دوو ترۆمبێلاندا روویدا و شەش
کەس بوونە قوربانی کو ئێک ژوان ژیانا خۆ ژ دەستدا.
ڕاگەهاندنا هاتن و چوونا قەزا سێمێلێ
ڕاگەهاند، ئەڤرۆ چارشەمبێ دەمژمێر ٢:٤٥ خولەکێن پشتی نیڤرۆ لسەر جاددا سێمێل بۆ
کومەلگەها شاریا بوویەرەکا هاتن و چوونێ دناڤبەرا دوو ترۆمبێلێن (هوندا سەنتافی و
کەیا تایبەت) دا روویدا.
ئاشکرا ژی کریە، دبوویەرێ دا کەسەکی ژیانا خۆ
ژ دەستدایە و پێنجێن دی ژی برینداربوون، هەڤدەم، زیانێن ماددی ژی بەر ب ترۆمبێلان
کەفتینە.
ئەڤە ددەمەکێ دایە، درەنگیا شەڤا دەربازبووی
ژی لسەنتەرێ باژێرێ دهۆکێ بوویەرەکا هاتن و چوونێ دناڤبەرا سێ ترۆمبێلاندا روویدا
و ب وێ سەدەمێ ژی سێ کەس برینداربوون.
هەڤدەم، بوویەرێن هاتن و چوونێ ئێک ژ سەدەمێ
سەرەکی یێن ژیان ژ دەستدان و برینداربوونێ لسەرتاسەری عێراق و هەرێما کوردستانێ
دهێنە هەژمارتن، بەشەک ژ شۆفێران سەدەمان بۆ خرابیا جاددەیان و ئالیێن پەیوەندیدار
ژی سەدەمان بۆ نەپێگریا شوفێران ب رێنکارێن هاتن و چوونێ دزڤرینن.