سەرنووچە:

سەقاناسیا عێراقێ: ل چەند دەڤەران ئەگەرێ تۆزبارینێ هەیە و پلەیێن گەرمێ ژی بلند دبن

PM:02:50:25/05/2022

1252 جار خوێندراوەتەوە

+ -

دەستەیا سەقاناسیا عێراقێ ڕاگەهاند، ئەگەر هەیە ئەڤرۆ پێلەکا نویا تۆزبارینێ بەرێ خۆ بدەتە سنورێ پارێزگەهێن کەرکوک و سەلاحەدین و موسل و سامەرا و پشکەک ژ پارێزگەهێن ئەنبار و دیالە و دبێژیت ژی، "پلەیێن گەرمێ بلند دبن."

دەستەیا سەقاناسیا عێراقێ ڕاگەهاندنەک بەلاڤکر و دناڤدا هاتیە، ئەڤرۆ چارشەمبی ئەسمانێ دەڤەرێن ناڤەڕاستا عێراقێ ساهی دبن و بەشێ باکورێ دەڤەرێ ژی تۆز د هەوایدا دبیت.

ئاماژە ب وێ ژی دا، ئەگەر هەیە سوبەهی پێلەکا تۆزبارینێ بەرێ خۆ بدەتە سنورێ پارێزگەهێن کەرکوک و سەلاحەدین و نەینەوا و سامەرا و هندەک ژ دەڤەرێن پارێزگەهێن ئەنبار و دیالە.

دبێژیت ژی، ئەسمانێ هەرێمێ ساهی دبیت و تۆزەکا کێم د هەوایدا دبیت و پلێن گەرمێ ژی کێمەکی بلند دبن.

ڕاگەهاندنێ ئاماژە ب وێ ژی دا، رۆژا پێنجشەمبی ئەسمانێ هەرێمێ ساهی دبیت و ل چەند دەفەرێن جودا تۆز دبیت و ئەگەرێ دروستبوونا تۆزبارینێ هەیە و پلێن گەرمێ ژی کێمەکی بلند دبن.

هەڤدەم، ڕێڤەبراتیا گشتیا سەقاناسیا هەرێمێ ڕاگەهاندنەک بەلاڤکر و دناڤدا هاتیە، ئەڤرۆ ئەسمانێ هەرێمێ تۆز دبیت و ل دەمێن ئێڤاری دا ئاستێ وێ کێم دبیت.

دبێژیت ژی، ئەسمانێ پارێزگەها دهۆکێ ساهی دبیت دگەل درووسبونا تۆزێ ل دەمێن ئێڤاری دا دهێتە گۆهڕین بۆ نیڤ عەوران کارتێکرنا تۆزبارینێ کێم دبیت.

ئەویەک ژی دادیارکرن، سوبەهی ئەسمانێ هەرێمێ ساهی و تۆز دبیت پشتی نیڤرۆ کارتێکرنا تۆزبارینێ کێم دبیت.

گەلەری