AM:09:13:25/05/2022
888 جار خوێندراوەتەوە
+
-
پۆلیسیێن ویلایەتا تەکساس یا ئەمریکا ڕاگەهاند،
چەکدارەکێ ژیێ وی ١٨ سال چوویە سەر خاندنگەهەکا سەرەتایی ل باشورێ رۆژئاڤایا وێ ویلایەتێ
و ١٩خاندەکار و دوو کەسێن پێگەهشتی کوشتینە.
رۆنالدۆ گوتێرز سیناتۆر ل جڤاتا ویلایەتا تەکساس
د داخویانیەکێدا بۆ کەنالێ سی ئێن ئێنێ بەریتانی ڕاگەهاند، هەژمارا کوشتیان گەهشتیە
١٩ خاندەکار و دوو کەسێن ژیێ وان پێگەهشتی کوشتینە بەری بهێتە کوشتن.
ژ ئالیێ خۆڤەژی، گرێگ ئابۆت فەرمانڕەوایێ ویلایەتا
تەکساس بۆ میدیایێن ولاتێ خۆ ڕاگەهاند، ناڤێ وی چەکداری سالڤادۆر ڕامۆس بوویە و ژیێ
وی ١٨ سال بوونە و پشتی هێرشێ بۆ سەر وێ خاندنگەهێ ب دەستی پۆلیسێن ویلایەتا تەکساس
هاتیەکوشتن، گۆتژی، "د رووبەڕووبوونا وی چەکدارەی دا دوو ئەفسەرژی ب سڤکی برینداربووینن."
بەحسا وێیەکێ ژی کر، وی چەکداری ب ئاوایەکێ
ترسناک تەقە کریە و خاندەکار کوشتینە و مامۆستا بریندار کرینە و ئەو نکارن ب چ تشتەکی
قەرەبویا وێ بوویەرێ بۆ کەسوکارێن قوربانیان بکەن.
هەڤدەم ، جۆ بایدن سەرۆکێ ئەمریکا د وێ
دەربارێدا ئاماژە ب وێ دا، "ژدەستدانا زارۆکێ خۆ وەکی وێ یە پارچەیەکێ ژ رحاخۆ
ژدەست بدەی و هیڤی خازبووم چجاران ئەڤ بوویەرە چێنەبن ڤە."
بەحسا وێ ژی کر، پێتڤیە یاسایێن هەلگرتنا چەکی
ل ئەمریکا بهێنە ڕێکخستن و توندتر بکەن.
ئەڤەژی د دەمەکیدایە، د سالا ٢٠١٨دا خاندەکارەکی
ل خاندنگەها ئامادەیی مارجۆری ستۆنمان دۆگلاس ل پارکلاندی ویلایەتا فلۆریدا ١٧ خاندەکار
و مامۆستایەک کوشتن.