سەرنووچە:

دەربارەی ئۆپەراسیۆنا تورکیا بۆ سەر رۆژئاڤا؛ وەزارەتا دەرڤەیا ئەمریکا بەرسڤا ئەردوغان دا

PM:11:33:24/05/2022

852 جار خوێندراوەتەوە

+ -

پەیڤدارێ وەزارەتا دەرڤەیا ئەمریکا ڕاگەهاند، هەر هێرشەکا نووی ل باکورێ سوریا هەبیت زێدەتر ئارامیا دەڤەری تێکددەت و هەلمەتا دژی چەکدارێن داعش دئێخیتە دمەترسیێ دا.

نید پرایس پەیڤدارێ وەزارەتا دەرڤەیا ئەمریکا ڕاگەهاند، هەلمەتا دژی چەکدارێن داعش ل باکورێ سوریا دکەڤنە دمەترسیێ دا ئەگەر هەر هێرشەکا نووی بۆ سەر وێ دەڤەرێ روویبدەت.

ئىەو ژی پشتی وێیەکێ دهێت، رەجەب تەیب ئەردۆغان سەرۆککۆمارێ تورکیا ڕاگەهاند، ددەمێ چەند رۆژێن بهێت دا دێ ئوپەراسیۆنەکا نووی بۆ سەر دەڤەرێن رۆژئاڤایێ کوردستانێ کو ئەو ب باکورێ سوریا بناڤ دکەت، دەستپێ کەین.

ئاماژە ب وێیەکێ ژیکریە، ئۆپەراسیۆن دێ ب کوراتیا ٣٠ کێلۆمەتران بیت بۆ ناڤ ئاخا رۆژئاڤایێ کوردستانێ ل دەڤەرێن دناڤبەرا سنورێ تورکیا و سوریا دا و دبێژیت ژی، ئارمانجا وان کۆنترۆلکرنا وان دەڤەرێن ژێر دەستهەلاتا هەسەدێ یە و ڤەگەراندنا ملیۆنەک پەنابەرە بۆ وێ دەڤەرێ.

ئەو ژی ددەمەکێ دایە، ل سالا ٢٠١٩ێ پشتی شکەستنا داعش، سوپایێ تورکیا هێرشکرە سەر دەڤەرێن بن دەستهەلاتا رێڤەبەریا خۆەسەرا رۆژئاڤایێ کوردستانێ و بدیارکری ژی بۆ سەر دەڤەرێن گرێ سپی و سەرێ کانیێ.

گەلەری