PM:11:08:24/05/2022
620 جار خوێندراوەتەوە
+
-
لگۆرەی وان زانیاریێن بدەست ئێن ئاڕ تی
کەفتین، بڕیارا گوهارتنا پۆستێ سەرۆکێ دادگەها تێهەلچوونا هەولێرێ کو ژ ئالیێ
جڤاتا بلندا دادوەریا هەرێما کوردستانێ ڤە هاتبوو دەرخست، هاتە هەلوەشاندن.
لگۆرەی زانیاریێن بدەست ئێن ئاڕ تی کەفتین،
ژبەر زۆریا گڤاشتنان لسەر وی دادوەرێ کو بڕیاربوو وی پۆستی وەربگریت و پشتڕە گڤاشتنەکا
زۆر لسەر جڤاتا دادوەریا هەرێما کوردستانێ بڕیار هاتیە دان حاکم برایم خۆشناو دوی
پۆستی دا بمینیت.
ئەو ژی ددەمەکێ دایە، رۆژا ئێکشەمبێ ٢٢ی ڤێ
مەهێ، دادوەر "برایم اسماعیل حمد" سەرۆکێ دادگەها تێهەلچوونا هەولێرێ د
ڕاگەهاندنەکێ دا بەحسا وێیەکێ کریە، ژبەرکو ئەو دادوەرن و ل دادگەهێ کار دکەن
پێتڤیە رێکارێن کارگێری یاسایی بن و گوتژی، "بەرۆڤاژی بڕیارا گوهۆرینا سەرۆکاتیا
دادگەها تێهەلچوونا هەولێرێ کو ژ ئالیێ سەرۆکێ جڤاتا دادوەری ڤە هاتیە ئەنجامدان
نەیاسایی یە".
هەڤدەم، بڕیارا گوهۆرینا سەرۆکێ دادگەها
تێهەلچوونا هەولێرێ پشتی وێیەکێ دهێت، رێڤەبەریا کاروبارین دادوەری ل جڤاتا دادوەریا
هەرێما کوردستانێ بنڤێسارا ژمارە ٢٧٩ کو ل رۆژا ١٥ی ٥ی ٢٠٢٢ دەرکەتیە، بڕیارا داوی
ئینان ب "ئینتیدابکرن" واتا لادانا "برایم ئیسماعیل" وەکی
سەرۆکێ دادگەها تێهەلچوونا هەولێرێ، و دنانا "دادوەر ئومێد موحسین" وەکی
سەرۆکێ نوویێ وێ دادگەهێ، کو بەریا نها پەیڤدارێ جڤاتا دادوەری بوو.
دگەل وێ روویدانێ ژی، ژێدەرەکێ بۆ ئێن ئاڕ تی
ڕاگەهاند، ئەو روویدانا دناڤ دادگەهێ دا روویدای، ڤەگەراند بۆ وێ ئاریشا زێدەتر
پەیوەندی ب ئاریشە و ململانێ یا ناڤخۆیا دناڤ پارتی دا هەیە وەکی لسەر وێ ئاریشا
ئاسایی دناڤبەرا دادوەران دا بیت.
دادگەها تێهەلچوونا هەولێرێ هەمان ئەو
دادگەهە ددەمێ دوو سالێن دەربازبووی دا چالاکڤانێن بەهدینان تێدا هاتینە دادگەهکرن
و سزادان.