سەرنووچە:

دەربارەی ڤەگەراندنا پەنابەرێن کورد ژ بەریتانیا؛ حکومەتا هەرێمێ زەلالکرن دا

PM:10:00:24/05/2022

964 جار خوێندراوەتەوە

+ -

نوینەرێ حکومەتا هەرێما کوردستانێ ل بەریتانیا ڕاگەهاند، حکومەتا هەرێمێ چ لهەڤهاتن دگەل بەریتانیا نینن بۆ ڤەگەراندنا بنەچاریا وەلاتیێن کورد و هەرێمێ پەیوەندیەکا دوستانە دگەل وی وەلاتی هەیە.

دڕاگەهاندنەکێ دا، نوینەرێ حکومەتا هەرێما کوردستانێ ل بەریتانیا ئاماژە ب وێیەکێ ژیکر، ب زەلالی دبێژن د سەرەدانا فەرمی یا سەرۆکێ حکومەتا هەرێمێ و جڤینا وی دگەل وەزیرێ ناڤخۆ دا، ب چ ئاوایەکێ پرسا شاندنا بنەچاری نەهاتیە بەحسکرن و چ لهەڤهاتن ژی دوێ دەربارەیێ دا نەهاتینەکرن.

بەحسا وێیەکێ ژیکر، هەرێما کوردستان و بەریتانیا لسەر ئاستێ نەهێلانا رێکخراو و دیڤچوونا تاوانباران و بازرگانێن مرۆڤان هەماهەنگن و هاریکاریا ئێک و دوو دکەن.

دەربارەی تاوانبارکرنا حکومەتا هەرێمێ ب لهەڤهاتن دگەل بەریتانیا بۆ شاندنا پەنابەرێن کورد نوینەرایەتیا هەرێما کوردستانێ ل وی وەلاتی بەحسا وێیەکێ کریە، "هندەک کەس و ئالیان دڤێت چەواشەکاری و هەستێ وەلاتیان ب وی بابەتی بلڤینن بۆ بەرژەوەندیێن خۆ یێن کورت خایەن، ڕەتدکەین و ئەولەویەتیێن پەیوەندیێن هەردوو ئالیان ب چ ئاوایەکێ پرسا شاندنا بنەچاری نینە".

ئەڤە ژی پشتی وێیەکێ دهێت، ٢٠ی ڤێ مەهێ پەنابەرەکێ دیپۆرتکریێ کورد کو نها ل بەریتانیا دەستەسەرکریە بۆ ئێن ئاڕ تی ڕاگەهاند، زێدەتر ژ ٢١ سالانە ئەو ل بەریتانیا دژیت، لێ دگەل ژمارەیەکا پەنابەرێن دی یێن کورد نها دەستەسەرکری نە و حکومەتا وی وەلاتی ژی دخوازیت ڤەگەرینیتە هەرێمێ، گوتژی، "دبیت پشتی سەرەدانا سەرۆکێ حکومەتا هەرێمێ بۆ بەریتانیا لهەڤهاتن دناڤبەرا هەردوو ئالیان دا هاتیتەکرن و ئەڤ کارە پلان بۆ هاتبیتە دارشتن".

گەلەری