PM:05:33:24/05/2022
684 جار خوێندراوەتەوە
+
-
پۆلیسێن دهۆکێ ڕاگەهاند، بکۆژێ وێ ژنا دوهی ل
گوندێ نەزراوەیێ سنورێ قەزا بەردەڕەش هاتیە کوشتن ژ ئالیێ بنگەهێ پۆلیسێن رۆڤیا ڤە
هاتە دەستەسەرکرن و دانپێدان ب تاوانا خۆ کر.
هێمن سلێمان پەیڤدارێ پۆلیسێن پارێزگەها
دهۆکێ د تۆرا خۆیا فەیسبووکی دا ڕاگەهاند، پشتی ٢٤ دەمژمێران ژ کۆشتنا ژنەکێ ژ
ئالیێ هەڤژینێ وێ ڤە ل گوندێ نەزراوەیێ سنورێ قەزا بەردەڕەش؛ ئەڤرۆ بکۆژ ژ ئالیێ
پۆلیسان ڤە هاتە دەستەسەرکرن.
دیاژیکر، پشتی بکۆژی هەڤژینا خۆ کوشتی بۆ
جهەکێ نەدیار ڕەڤی بوو لێ ئەڤرۆ جهێ خۆ بۆ هێزێن پۆلیسان دیارکر و دەملدەست هێزێن
وان گەهشتنە وی جهی و تۆهمەتبار دەستەسەرکرن.
ئاماژە ب وێیەکێ ژیکر، د ڤەکۆلینێ دا
توهمەتباری دانپێدان ب تاوانا خۆ کریە و دیارکریە کو لسەر ئاریشەیەکا خێزانی
بوویە.
پەیڤدارێ پۆلیسان ئاشکراژیکر، لدیڤ بەندێ ٤٠٦
ژ یاسایا سزادانێ تۆهمەتبار هاتیە دەستەسەرکرن.
ناڤێ وێ ژنا کو بەریا دوو رۆژان هاتیە کوشتن ئیمان
عەزیزە و ژیێ وێ ٢٥ سالن؛ دەیکا پێنج زارۆکایە، هەروەسا ژیێ هەڤژینێ وێ ژی ٢٥
سالن.
ئەڤە ددەمەکێ دایە، بوویەرێن کوشتن و خۆ
کوشتنێ رۆژ بۆ رۆژێ ل هەرێمێ زێدە دبن و حەفتیا دەربازی ژی ژنەکا ٢٨ سالی ژ ئالیێ
هەفژینێ وێ ڤە ل دهۆکێ هاتە کوشتن. هەڤدەم، لگۆرەی ئامارێن رێڤەبەریا توندوتیژیا
دژی ژنان ژی د چار مەهێن دەربازبووی دا ل هەرێمێ زێدەتری ١٩ ژنان ب سەدەمێن جودا
هیتنە کوشتن کو چار ژ وان خەلکێ پارێزگەها دهۆکێ بووینە.