سەرنووچە:

خازخازۆکەکی گەشتەکا بالەفڕخانا نەجەف پاش ئێخست

PM:04:59:24/05/2022

396 جار خوێندراوەتەوە

+ -

ژێدەرەکێ ژ ئەولەکاریێ ڕاگەهاند، زارۆکەکێ خازخازۆک چوویە د ناڤ بالەفڕخانا نەجەف دا و هێلا ئەولەکاریێ و خالا پشکنینێ دەربازکریە و ب وێ سەدەمێ ژی بالەفڕخانە ئێخستیە د ڕەوشا ئاگەهدارکرنێ دا.

ئەڤرۆ سێشەمبێ، ژێدەرەکێ ژ ئەولەکاریا پارێزگەها نەجەف بۆ میدیایێن عێراقێ ڕاگەهاند، زارۆکەک دژیێ کێمتر ژ ١٠ سالیێ دا شیایە ژ خالا ئەولەکاریا بالەفڕخانا نەجەف دەربازببیت و خۆ بگەهینیتە خالا بجی هێلانا بالەفڕەکا ئیرانی.

دبێژیت ژی، بالەفڕا ئیرانی د ئامادەباشیێ دابوویە بەرەڤ ئیرانێ برێبکەڤیت، پشتی ئەو زارۆکێ خازخازۆک گەهشتیە وی جهی داخازا هاریکاریێ ژ سەرنشینێن دناڤ بالەفڕێ دا کریە.

هەر لگۆر گوتنا ژێدەری، ئاسایشا بالەفڕخانێ تێبینیا زارۆکێ کریە و بۆ دەمێ زێدەتر ژ دوو دەمژمێران گەشت پاش ئێخستیە هەیا پشتڕاست ببن کو چ خازخازۆکەکێ دی لسەر بالەفڕێدا نینە.

بەحسا وێیەکێ ژیکر، پشتڕە هێزێن ئەولەکاریا بالەفڕخانێ ئەو زارۆکە دەستەسەرکرنە و برینە دەرڤەی بالەفڕخانێ.

گەلەری