AM:10:50:24/05/2022
416 جار خوێندراوەتەوە
+
-
ڕێڤەبەراتیا سەقاناسی
و ئەردهەژزانا عێراقێ ڕاگەهاند، ژ مەها کانونا دوێ یا ئەڤسالە تا نها ١٠ پێلێن تۆزبارینا
خورت بەرێ خۆ دایە هەرێم و عێراقێ. دبێژیت ژی، "سەدەمێ بەردەوام بوونا تۆزبارنێ
ژی نەجێگریا سەقاییە".
ئەڤرۆ سێشەمبی، عامر
جابری پەیڤدارێ ڕێڤەبەراتیا سەقاناسی و ئەردهەژزانا عێراقێ د داخویانیەکێ دا بۆ
ئاژانسا فەرمیا نووچەیا عێراقی ڕاگەهاند، ژ ٢٥ی ١ی ئەڤسالە ڤە، ١٠ پێلێن تۆزبارینێ
ل عێراقێ هاتیە تۆمارکرن کو بۆ نەجێگریا رەوشا سەقای ڤەدگەریێت.
ئاماژە ب وێ ژی دا، ب تایبەت
د مەها نیسانێ و ئایارێ دا پەستانا هەوای دەست ب دووبارەبوونێ کریە. هەروەسا، د
ئەڤسالەدا پێلەکا پەستانا نزم ل باکورێ ئەفریقیا و بیابانا مەزن بەرەڤ عێراقێ هاتینە
و ئەڤێ ژی لسەر دوو ئاستان کارتێکرن هەبوویە، ئەوژی بلندبوونا پلەیێن گەرمێ و زێدەبوونا
رێژەیا تۆزبارینێ.
ئەڤەژی د دەمەکیدایە، ژ
دوهی سپێدێ ڤە پێلەکا تۆزبارینا خورت دەڤەرێن عێراق و هەرێما کوردستانێ ڤەگرتینە و
ڕێڤەبەراتیا گشتیا سەقاناسی و ئەردهەژزاناعێراقێ ژی ڕاگەهاند، پشتی نیڤرۆیا رۆژا سێشەمبی
کارتێکرنا تۆزبارینێ کێم دبیت و پێشبینی دهێتەکرن ل رۆژا چارشەمبی ڤە داوی پێ بهێت.