PM:02:17:22/05/2022
4068 جار خوێندراوەتەوە
+
-
پەیمانگەها ڤەکۆلینێن
فەلەکیێن مسرێ ڕاگەهاند، ئێکەم رۆژا جەژنا قوربانێ رۆژا ٩ی تەمموزا داهاتی دبیت و
فەلەکناسەکێ سعودیە ژی ئەو بەروارە پشتڕاست کریە.
جاد ئەلقازی سەرۆکێ پەیمانگەها
ڤەکۆلینێن فەلەکیێن مسرێ د داخویانیەکێدا بۆ روووپەلێ ئەلعەین ڕاگەهاند، لدیڤ ڤەکۆلینێن
فەلەکیێن وێ پەیمانگەهێ رۆژا ٩ی تەموزێ ئێکەم رۆژا جەژنا قوربانێ دبیت.
ئاماژە ب وێ ژی دایە،
ئەو بەروارە بەروارا داویێ نینە و بتنێ ئەنجامێ ڤەکۆلینێن وانە و بەروارا داویێ یا
جەژنێ ل دەمێ دیتنا هەیڤێ دا دهێتە دیارکرن.
ژ ئالیێ خۆڤەژی، عەبدولا
مەسنەد جێگرێ سەرۆکێ کۆمەلا سەقایێ سعودیە و فەلەکناسێ دیار یێ وی ولاتی ئەو یەک دایە
دیارکرن، ئێکەم ڕۆژا جەژنا قوربانێ یا سالا ٢٠٢٢د کەڤیتە ٩ی تەمموزێ.
بەحسا وێیەکێ ژی کریە،
مەها زولقەعدە ٣٠ ڕۆژان تەمام دکەت و ڕۆژا ٣٠ی حوزەیرانێ ٢٠٢٢ ێ ئێکەم رۆژا مەها زیلحجەیە.
وی فەلەکناسێ سعودی بەحسا
وێیەکێ ژی کر، ڕۆژا ٨ی تەمموزێ ٢٠٢٢ رۆژ راوستانا عەرەفێ یە ئانکو ٩ی مەهێ جەژنا
قوربانێ دبیت.
جەژنا قوربانێ دووەم جەژنا
پەیڕەوێن ئاینێ ئیسلامێ یە و ئەو کەسێن وی ئاینەی پەیڕەو دکەن سالانە بیرەوەریا وێ
جەژنێ دگێڕن.