AM:11:18:19/05/2022
652 جار خوێندراوەتەوە
+
-
نوینەرێ حکومەتا هەرێما کوردستانێ ل تەهرانێ ڕاگەهاند، دەمەکە وەک نوینەراتیا هەرێمێ ل تەهران هایداری سەرەدانکرنا شاندێ هەرێمێ بۆ ئیرانێ نینین، ژبەرکو ب تایبەتی پشتی ریفراندۆمێ سیستەمێ پەیوەندیان زێدەتر ب رێیا حزبانە، نە ب رێیا حکومەتێ.
نازم دەباخ نوینەرێ حکومەتا هەرێمێ ل تەهران بۆ دەنگێ ئەمریکا ڕاگەهاند، دەمەکە وەکو نوینەرێ هەرێمێ ل تەهران هایداری سەرەدانا شاندێ هەرێمێ بۆ ئیرانێ نینن، ژبەرکو ب تایبەتی پشتی ریفراندۆمێ سیستەمێ پەیوەندیان زێدەتر ب رێیا حزبانە، نە ب رێیا حکومەتێ.
دەربارەی سەرەدانا شاندێ هەرێمێ بۆ ئیرانێ ب رەنگەکێ نهێنی ئاماژە ب وێ یەکێ کر، "من ژی وەکی هەوە د ڕاگەهاندناندا گۆهلێبوویە کو ئەو وەفدە هاتیە ئیرانێ، ژبەر وێ یەکێ نکارم نە رەت بکەم نە پشتراستبکەم، ژبەرکو نها هەمی تشت ل هەولێرێ و سلێمانیێ ب رێیا کونسلگەریان دهێنە ئەنجامدان، ئەوبخۆ د پەیوەندیاندانە و شاندان رێکدئێخن، ب تایبەتی ئەو شاندە ئەگەر ب بالەفڕێن تایبەت بهێن و ب ڤەگەڕن ئەم کێمتر هایدارین".
دەربارەی سەرەدانا شاندێ هەرێمێ بۆ ئیرانێ ب رەنگەکی ئەو هایدار نەبن، نوینەرێ حکومەتا هەرێمێ ل تەهران گوت، ئەڤە هەم خالا لاوازە، و هەم ئاساییە، ژبەکو سیستەمێ پەیوەندیان زێدەتر ب رێیا حزبانە، نە ب رێیا حکومەتێ، ب تایبەتی پشتی ریفراندۆمێ، چەندین جاران شاندێ ئیرانێ چوویە هەولێرێ و سلێمانیێ چاڤێن وان ب ئالیان کەفتینە، لێ د وێ باوەریێدا نینە کەسەکی گوهلێببیت وان شاندان چاڤ ب سەرۆکێ حکومەتێ یان وەزیرێ ناڤخۆ کەفتبیت ب ئەشکەرا، بەلکو ئەگەر روویدابیت د کڤانێ وێ پرۆتۆکۆلێدا کو پەیوەندیێن حزبی هەنە ئێک ژ بەرپرسێن حکومەتا هەرێما کوردستانێ دیتیە، چ ئێکەتی یان ژی پارتی.
هەروەسا دەربارەی سەرەدانکرنا شاندێ هەرێمێ بۆ ئیرانێ گرێدایبوو ب لهەڤهاتنا هەرێم و تەهرانێ بۆ رێگریکرنێ ل چالاکیا پارتێن کوردی یێن ئۆپۆزسیۆنێن ئیرانێ، نازم دەباغ ئەشکەراکر، هەردەم د ڤان دەماندا ئەو بەحسە هەبوون، ل ئەڤسالە ژی کو تورکیا هێرشی هەرێما کوردستانێ دکەت ب ناڤێ دەرکرنا پەکەکێ، جورەک ژ تێکەلیان دروست دبن ژ ئالیێ هەمیان کو رێکێ ل وان سیاسیان بگرن بۆ وێ یەکێ جارەکادی بزاڤان نەکەن کو بهێنە ئیرانێ، ئاریشەیێن ئەولەکاری و ئاسایشێ دروستبکەن هەیا هێرش بکەنە سەر ئیرانێ، حکومەتا هەرێمێ، هەتا ئالین دی ژی چ ئێکەتی چ پارتی، هەردەم تەکەزێ ل وێ یەکێ دکەن کو بزاڤان بۆ وێ رێکێ نەهێتە دان کو ئەڤ کارە بهێنە ئەنجامدان، ژبەرکو ئەمن و ئاسایشا هەرێما کوردستان و ئیرانێ بۆ هەڤدوو گرنگە.