AM:10:07:19/05/2022
684 جار خوێندراوەتەوە
+
-
وەزارەتا داراییا عێراقێ ڕاگەهاند، فەرمانگەها ژمێریاریا سەر ب وەزارەتا داراییا عێراقێ دەست ب پارڤەکرنا مووچەیێ مەها پێنج (ئەیار)ێ یێ تەڤایا فەرمانبەران کریە.
ئەڤرۆ پێنجشەمبی، نڤیسینگەها ڕاگەهاندنا وەزارەتا داراییا عێراقێ ڕاگەهاندنەک بەلاڤکر و تێدا هاتیە، فەرمانگەها ژمێریاریا وەزارەتا دارایی ژ ئەڤرۆ، پێنجشەمبی، دەست ب دابینکرنا پارەیێ پێدڤی کریە ب مەرەما پارڤەکرنا مووچەیێ مەها پێنج یێ تەڤایا فەرمانبەران.
دبێژیت ژی، داخاز ژ تەڤیایا یەکەیێن ژمێریاریێن وەزارەتان کریە سەرەدانا فەرمانگەهێن ژمێریاریێن وەزارەتا دارایی بکەن بۆ مەرەما وەرگرتنا خشتەیێ پارڤەکرنا مووچەیێ وەزارەت و فەرمانبەران و تەمامکرنا رێکارێن وەرگرتنا پارەی تا ژ ئەڤرۆ مووچەیێ مەها پێنج یێ فەرمانبەران پارڤەبکەن.
ئەڤە ددەمکیدایە، د نهادا ل نیڤا مەها ئەیارێی نە، حکومەتا هەرێمێ هێشتا ل ناڤەڕاستا پارڤەکرنا مووچەێ مەها نیسانێ (چار) یێ فەرمانبەران و پارێزگەها سلێمانیێ وئیدارەیێن سەربەخۆیێن گەرمیان و راپەڕین مووچەیێ مەها ئادارێ (سێ) یێ پشکەک ژ مووچەخۆرێن هەرێمێ پارڤەنەکریە و رۆژانە مامۆستایێن زانکۆیێ و فەرمانبەر ب مەرەما وەرگرتنا مووچەیێن خۆ خڕڤەبوونان دکەن و قفل ل دەرگەهێ پشکەک ژ زانکۆیان داینە.