PM:03:23:18/05/2022
868 جار خوێندراوەتەوە
+
-
فراکسیۆنا نەوی نوێ ل پەرلەمانێ عێراقێ، د کۆنفڕانسەکێ رۆژنامەڤانیدا ڕاگەهاند، شەش دۆسیێن گەندەلیێ لسەر ئیدارەیا کەرکوکێ داینە دەستەیا دەستپاکیا پەرلەمانێ عێراقێ.
ئەڤرۆ چارشەمبی، د کۆنفڕانسەکێ رۆژنامەڤانیدا سروە عەبدولواحیدا سەرۆکا فراکسیۆنا نەوەی نوێ ل پەرلەمانێ عێراقێ و ئومێد محەمەد پەرلەمانتارێ نەوەی نوێ ل کەرکوکێ شەش دۆسیێن گەندەلیێ و هەشت هزار زێدەگاڤی ل کەرکوکێ ئەشکەراکرن.
سرەو عەبدولواحید د کۆنفڕانسیدا ڕاگەهاند، چەندین دوسیێن گەندەلیێ لسەر ئیدارەیا پارێزگەها کەرکوکێ هەنە و ئەڤرۆ پێشکێشی دەستەیا دەستپاکیێ کرینە.
دیارکر ژی، "ئەم بازرگانیێ ب دۆسیێن گەندەلیێ ناکەین، بەلکو دێ دەینە ئالیێن بەرپرس و چاڤدێریا رەنگێ لێپرسینا دۆسیێ دکەین".
دەربارەی وی یەکێ ئومێد محەمەد بەحسا وێ یەکێ کر، "زێدەتر ژ هەشت هزار زێدەگاڤیان لسەر ئەرد و مولکێ گشتی هەبوون، کو فرۆتینە وەلاتیێن دەرڤەی کەرکوکێ، مە رادەستی دەستەیێ کرینە".
دبێژیت ژی، مە راپۆرتەک دەربارەی شایستەیێن دارایێن پشکەک ژ کرێکاران دایە لژنەیێ کو ب بێ سەدەم ژێ بڕینە.
ئومێد محەمەد بەحسا وێ یەکێ ژی کر، "گەندەلیێ تەڤایا دەڤەرێن کەرکوکێ ڤەگرتینە ب تەڤایا پێکهاتەیان ڤە".