PM:09:01:17/05/2022
1736 جار خوێندراوەتەوە
+
-
ئەڤرۆ سێشەمبی، بسەدەمێ شەڕەکی ل گوندێ گردەپان یێ سەر ب قەزایا بەردەش دناڤبەرا دوو بنەمالەیاندا پێنج کەس برینداربووینە، چەک ژی د شەڕیدا هاتیە بکارئینان.
سەباح سوفی نووچەگەهانێ ئێن ئاڕ تی ڕاگەهاند، بسەدەمێ پەیدابوونا شەڕەکی ل گوندێ گردەپان یێ سنورێ قەزا بەردەرەش پێنج کەس برینداربوون.
بەحسا وێ یەکێ ژی کر، ل دەستپێکێ شەڕ ب دار و چەقۆیان بوو و پشترا چەک هاتیە بکارئینان.
ئاماژە ب وێ یەکێ ژی کرن، لدویف وان زانیاریێن بدەست ئێن ئاڕ تی کەفتین شەڕ لسەر ئاریشەیێن ئەردی بوو.
دەربارەی چەکێن شەڕ پێ هاتیە کرن ژی دبێژیت، ل دەستپێکێ شەڕ ب چەقۆ و داران بوویە، لێ پشترا چەکێ کلاشینکۆف هاتیە بکارئینان و گولەیەک ب ملێ ئێک ژ برینداران کەفتیە.
لسەر رەوشا برینداران ژی دبێژیت، پێنج کەسێن بریندار چار ژ وانا ل نەخۆشخانەیا بەردەرەشن و بڕیارە بهێنە رەوانەکرن بۆ نەخۆشخانەیا هەوارهاتنێ ل ئاکرێ، ئەو بریندارێ گولە ژی ب ملێ وی کەفتی هاتیە رەوانەکرن بۆ نەخۆشخانەیێن هەولێرێ.
ڕاگەهاند ژی، چار بریندار ژ ئالیەکی بوون و بریندارەکێ شەڕی ژی دیدەڤان بوویە و دگەل چ ئالیەکی نەبوو.