سەرنووچە:

کاوە عەبدولقادر: ئەڤ هەڵبژارتنە دێ کارتێکرنا بنچنەیی دروستکەت

PM:04:22:17/05/2022

512 جار خوێندراوەتەوە

+ -

سەرۆکێ فڕاکسیۆنا نەوەی نوێ ل پەرلەمانێ کوردستانێ ڕاگەهاند، هەلبژارتنا ڤێ جارێ یا پەرلەمانی یا گرنگە، ژبەرکو دێ کارتێکرن هەبیت و گۆهڕینێن بنچنەیی دروست دکەت. دبێژیت ژی، "بڕیارە سوبەهی سەرۆکاتیا پەرلەمانی بۆ دەستپێکرنا جڤینێن پەرلەمانی دگەل سەرۆکێ فراکسیۆنان بجڤیت".

ئەڤرۆ سێشەمبی، کاوە عەبدولقادر سەرۆکێ فڕاکسیۆنا نەوەی نوێ د داخویانیەکێدا بۆ ئێن ئاڕ تی ڕاگەهاند، "ئەم تەکەزێ دکەین کو دڤێت ب زیترین دەم جڤینێن پەرلەمانێ کوردستانێ دەسیپێبکەن."

ئاماژە ب وێ ژی دا، ئەڤرۆ سەرۆکاتیا پەرلەمانێ کوردستانێ بۆ گۆتوبێژکرن دەربارەی چەوانیا دەستپێکرنا ڕونشتنان جڤیان و بڕیارە ژی سوبەهی سەرۆکاتیا پەرلەمانی و سەرۆک فراکسیۆن لسەر هەمان بابەتی گۆتوبێژان بکەن.

بەحسا وێیەکێ ژی کریە، چەند پرسێن گرنگ هەنە کو راستەوخۆ پەیوەندی ب ژیانا وەلاتیان ڤە هەیە و پرسا هەلبژارتنان ژ ئالیەکی کو گرنگە پەرلەمانی د وان پرساندا هەلویست هەبیت لهەمبەر حکومەتێ و تەنانەت لێپرسینێ ژی لێبکەت.

دەربارێ پرسا هەلبژارتنان و سەڕاستکرنا یاسایا هەڵبژارتنان، کاوە عەبدولقادر ئەویەک دادیارکرن، سوبەهی گۆتوبێژێن سەرۆکاتیا پەرلەمانی و سەرۆک فراکسیۆنان دێ بڕێڤەچیت دەربارێ وێ کو بەرنامەیێ کار ببیتە پێشەکی و زێدەتر گرنگە وی دەمی بڕیار دێ لێ هێتە دان.

دبێژیت ژی، "پشتی قوتێ خەلکی یاسایا ڕاستڤەکرنا یاسایا هەلبژارتنان و کاراکرنا کۆمیسیۆنێ گرنگترین پرسن."

دەربارێ سەدەمێ پاشخستنا جڤینێن پەرلەمانی بەحسا وێیەکێ ژی کر، ژبەرکو ڤان هەلبژارتنان کارتێکرنا گرنگ هەیە و دبیتە سەدەمێ گۆهڕیبنێن بنچینەییێن پەرلەمانی ژکارخستییە تا بهتە پاشخستن، لێ ئەگەر زێدەتر رێگریێ نەکەن ل رێکاران رەنگە حەفتیا بهێت جڤینێن پەرلەمانی دەسپێبکەنەڤە.

گەلەری