PM:01:19:30/04/2022
568 جار خوێندراوەتەوە
+
-
رێڤەبەرا گشتیا بوودجەیێ هەرێمێ بۆ ئێن ئاڕ تی ڕاگەهاند، وەزارەتا دارایی و رێڤەبەریا گشتیا بوودجەی نکاریت پشت گرێدانێ ب راپۆرتێن کۆمپانیا دیلۆت بکەت، ژبەرکو ئەو راپۆرتە بۆ جهەکێ دیارکری نە. دبێژیت ژێ، "ئەز باوەر ژ ڕاپۆرتێن دیلۆت ناکەم".
ئەڤرۆ شەمبی، پەروین محەمەد رێڤەبەرا گشتیا بوودجەی بۆ ئێن ئاڕ تی ڕاگەهاند، وەزارەتا دارایی و رێڤەبەریا گشتیا بوودجەی نکاریت پشت گرێدانێ ب راپۆرتێن کۆمپانیا دیلۆت بکەت، ژبەرکو ئەو راپۆرتە بۆ جهەکێ دیارکری نە.
دبێژیت ژێ، "ئەز باوەر ژ ڕاپۆرتێن دیلۆت ناکەم، ژبەرکو نابیتە ژێدەرێ زانیاریان بۆ وەزارەتا مە، ئەز باوەر ژ نڤیسینێن فەرمیێن حکومەتێ دکەم".
هەروەسا، لسەر ئامادەکرنا پرۆژەیاسایا بوودجەیێ هەرێمێ پەروین محمەد دیارکر، هەیا نها سامانێن سرۆشتی داتا و زانیاریێن تەمام نەداینە مە ب تنێ وی کوژمێ پارەی بۆ مووچەی دهنێریت یێ کو زانیاری لسەر هاتینە دان.
ئەڤە ددەمەکیدایە، دەمێ هەشت سالانە حکومەتا هەرێمێ پرۆژەیاسایا بوودجەی رەوانەی پەرلەمانی نەکریە و بۆ راگرتنا ژمێریاریا فرۆتن و داهاتێ پەتڕۆلێ ژی پشت ب راپۆرتێن کۆمپانیا دیلۆت گرێددەت کو خۆدانا دۆسیا گەندەلیێ بوو ل دادگەها وی وەلاتی.
هێرش قادر- هەولێر