PM:08:41:04/03/2022
1540 جار خوێندراوەتەوە
+
-
شێوەرمەندێ وەزارەتا ناڤخۆیا ئۆکرانیا ڕاگەهاند،
جێگرێ فەرماندەیێ بەتەلیۆنا ٤١ یا سوپایێ روسیا کو پلەیا وی جەنەراڵە ل باژێڕێ چێرنیگیڤ
ژ ئالیێ سەربازێن ئۆکرایناڤە هاتیە کوشتن.
ئەڤرۆ ئەینی، ئانتۆن گێراشێنکۆ پەیڤدارێ وەزارەتا
ناڤخۆیا ئۆکرانیا ل هەژمارا تایبەتا خۆ ل تۆڕا جڤاکیا فەیسبووکێ بەلاڤکر، جێگرێ فەرماندەیێ
بەتەلیۆنا ٤١ێ سوپایێ روسیا، ئاندرێی سوخۆڤێتسکی ل باژێڕێ چێرنیگیڤ ژئالیێ سەربازێن
ئۆکرایناڤە هاتیە کوشتن.
ئاماژە ب وێیەکێ ژی دایە، "ئەگەر ئەڤ شەڕە
نها نەهێتە ڕاوستاندن، لوی دەمی دێ بیتە سەرکێشییەکا خویناوی کو روسیا ژناڤدبەت.
ئۆکرانیا دێبیتە ئەفغانستانەکا نوی بۆ روسیا".
ژ ئالیێ خۆڤە، پارێزگەها چەرنیگیڤ ڕاگەهاندنەک
بەلاڤکر و دناڤدا هاتیە، ئێڤاریا دوهی سوپایێ روسیا بۆردومانا دەڤەرێن ئاکنجیبوونێ
کریە و ژمارەیا وان وەلاتیێن مەدەنیێن ب سەدەمێ وێ بۆردومانێ هاتینە کوشتن گەهشتیە
٤٧ کەسان و ١٨ کەس ژی ب برینداری دبن داروبەرێن بینایێن هەڕفیدا هاتینە ڕزگارکرن.
دەمێ زێدەتر ژحەفتیەکێیە هێرشێن روسیا بۆسەر ئۆکرانیا
بەردەوامن، دوێ کڤانێ ژیدا زێدەباری زەرەرێن ماددی ب سەدان کەس ژ هەردوو ئالیان
بووینە قوربانی، هەڤدەم، هەر ئێک ژ ئۆکرانیا و روسیاژی ئامارێن جودایێن زەرەران بەلاڤدکەن.