PM:12:25:27/02/2022
1272 جار خوێندراوەتەوە
+
-
نڤیسینگەها سەرۆکێ حکومەتا هەرێمێ ڕاگەهاند،
سەرۆکێ حکومەتێ و ب فەرمانەکێ بڕیاردا ب ڕاسپاردنا سەرۆکێ دیوانا جڤاتا وەزیران و
هەمی وەزارەتان و ئالیێن پەیوەندیدار، بۆ هەماهەنگیکرنێ دگەل کۆمسیۆنا بلندا
سەربەخۆیا هەلبژارتن و ڕاپرسیێ، بمەرەما دابینکرنا بودجە و هەمی پێتڤیێن پرۆسەیا
هەلبژارتنان.
ئەڤرۆ ئێکشەمبێ، نڤیسنگەها مەسرور بارزانی
سەرۆکێ حکومەتا هەرێما کوردستانێ ڕاگەهاندنەک بەلاڤکر و تێدا هاتیە، پشتەڤانی ب
فەرمانا هەرێمێ یا ژمارە ٣٣ ل رۆژا ٢٤ی
شوباتا ٢٠٢٢ێ دەربارەی دەستنیشانکرنا رۆژا ١ی ١٠ی ٢٠٢٢ێ وەکی رۆژا هەلبژارتنا خۆلا
شەشێ یا پەرلەمانێ کوردستانێ، ب فەرمانا سەرۆکێ حکومەتێ بڕیاردا ب ڕاسپاردنا
سەرۆکاتیا دیوانا جڤاتا وەزیران و هەمی وەزارەت و ئالیێن پەیوەندیدار، بۆ هەماهەنگیکرنێ
دگەل کۆمسیۆنا بلندا سەربەخۆیا هەلبژارتن و ڕاپرسیێ.
ڕاگەهاندنێ ئاماژە ب وێیەکێ ژیکریە،
هەماهەنگی ژی ب مەرەما دابینکرنا بودجە و هەمی پێتڤیێن پرۆسەیا هەلبژارتنان بۆ
وێیەکێ هەلبژارتن ددەمێ خۆ یێ دیارکری دا بهێنە ئەنجامدان.
ئەڤە ددەمەکێ دایە، رۆژا پێنجشەمبێ بەرواری
٢٤ی ٢ی ٢٠٢٢ێ، سەرۆکاتیا هەرێما کوردستانێ ڕاگەهاندنەک بەلاڤکر و تێدا هاتیە،
نێچیرڤان بارزانی سەرۆکێ هەرێما کوردستانێ، فەرمانا هەرێمێ بۆ دەستنیشانکرنا رۆژا
هەلبژارتنانا گشتیا پەرلەمانێ هەرێما کوردستان- عێراق ئیمزاکر.
د ڕاگەهاندنێ دا هاتیە، د فەرمانا هەرێمێ دا
هاتیە، لدیڤ یاسایا ژمارە ئێک یا سالا ٢٠٠٥ێ، یاسایا سەرۆکاتیا هەرێما
کوردستان-عێراق، یا سەڕاستکری، رۆژا ١ی ١٠ی ٢٠٢٢ێ وەکی رۆژا ئەنجامدانا خۆلا شەشێ
یا هەلبژارتنا پەرلەمانێ کوردستانێ دەستنیشانکر.
ئاماژە ب وێیەکێ ژیکر، هەر لدیڤ فەرمانێ
پێتڤیە ئالیێن پەیوەندیدار وەکی پەرلەمان و حکومەت و کۆمسیۆنا بلندا سەربەخۆیا
هەلبژارتنا هەرێما کوردستانێ، دەست ب رێکارێن پێتڤی بۆ برێڤەچوونا پرۆسەیێ بکەن.