PM:07:55:26/02/2022
1008 جار خوێندراوەتەوە
+
-
سەرۆککۆمارێ تورکیا بۆ سەرۆکێ ئۆکرانیا
ڕاگەهاند، بزاڤان دکەین بۆ ڕاگەهاندنا ئاگربەرستێ.
سەرۆکاتیا کۆماریا تورکیا د ڕاگەهاندنەکێ دا
دبێژیت، رەجەب تەیب ئەردۆغان سەرۆک کۆمارێ تورکیا و ڤۆلۆدیمیر زیلێنسکی سەرۆکێ
ئۆکرانیا پەیوەندیەکا تەلەفونی ئەنجامدان.
لگۆرەی ڕاگەهاندنێ، د پەیوەندیا تەلەفونی دا
گۆتۆبێژ لسەر هێرشا روسیا بۆ سەر ئۆکرانیا و داوی پێشهاتان کرن.
ئاماژە ب وێیەکێ ژی کر، "ئەردۆغان پرسە
و سەرەخۆشیێن خۆ ئاڕاستەی زیلێنسکی کرن ژبەر گیان ژ دەستدانا وان وەلاتیێن ئۆکرانی
یێن د ئەنجامێ هێرشا روسیادا ژیان خۆ ژ دەستداین و هێڤیا زوو چارەسەربوونێ بۆ
برینداران خواست".
سەرۆک کۆمارێ تورکیا ئاماژە ب وێیەکێ کر،
بزاڤان دکەین بۆ ڕاگەهاندنا ئاگربەستێ ژبوی وێیەکێ خەلکێ زێدەتر نەبیتە قوربانی و
زیانێن زێدەتر بەر ئۆکرانیا نەکەڤن.
ئەو ژی ددەمەکێ دایە، سوپایێ روسیا بۆ دەمێ
سێ رۆژانە هێرشەکا سەربازی بۆ سەر ئاخا ئۆکرانیا دەستپێکریە، بسەدەما وەلاتیێن
ئۆکرانی هاتینە کوشتن و برینداربووینە و ب سەدان سەرباز ژی ژ سوپایێ هەردوو ئالیان
بووینە قوربانی و هەردوو ئالی ئامارێن جۆدا بەلاڤ دکەن.