PM:12:35:26/02/2022
1644 جار خوێندراوەتەوە
+
-
وەزیرێ دەرڤەیێ عێراقێ بەحسا کارتیکرنا شەڕێ
روسیا و ئۆکرانیا لسەر وێ دەڤەرێ و جوداهیا دناڤبەرا ترامپی و بایدنی دکەت و دبێژیت
ژی، ٤٥٪ ێ کارەب و غازا عێراقێ ل ئیرانێ ڤە دهێتە شاندن.
فواد حسێن وەزیرێ دەرڤەیێ عێراقێ د چاڤپێکەڤتنەکێدا
دگەل ڕۆژنامەیا شەرق ئەلەئەوسەتدا هایداری دا د کارتێکرنێن شەڕێ دناڤبەرا روسیا و
ئۆکرانیادا لسەر عێراقێ و دەڤەرێ و دبیژیت مەترسیا وێ چەندێ دروست دبیت جارەکادی جیهان
بسەر دووبەرەیاندا دابەش ببیت، "یان دگەل من بە یان ل دژی من بە."
وەزیرێ دەرڤەیێ عێراقێ، دەربارێ ڕەوشا نها یا
عێراقێ و دەڤەرێ دبێژیت، "عێراقێ دابەشبوونەک تێدایە بۆ مامەڵەکرنێ دگەل وڵاتێن
جیراندا ژبەر وی چەندێ خرابیا دناڤبەرا وان وڵاتاندا کارتێکرنێن ڕاستەوخۆ لسەر ڕەوشا
عێراقێ ژی دبیت و ئەگەر ڕەوشا عێراقێ سەقامگیرتربیت ل وی دەمی ب ساناهیتر دێ مامەلێ
دگەل دەرڤەژی کەت."
فواد حسێنی داخازژی ل حکومەتا ولاتێ خۆ کریە گۆتوبیژەکێ
دگەل هەمی ئالیێن سیاسی دا سازبکەت بۆ چارەسەرکرنا ئاریشەیێن ناڤخۆیێن عێراقێ.
وەزیرێ دەرڤە دەربارێ جوداهیا دناڤبەرا ئیدارەیا
نها و ئیدارەیا پێشتر یا ئەمریکادا دبێژیت، جوداهیەکا زۆر د ناڤبەرا هەردوو ئیدارێن
بایدن و ئیدارەیا پێشتر یا ترەمپی دا هەیە، لی نکارین د نهادا هەڵسەنگاندنێ بۆ بکەین.
فواد حسێنی بەحسا وێیەکێ ژیکر، ڕەوشا کارەب و
غازا عێراقێ د ئاستەکێ گەلەک خراپدایە، "دڤێت دانپێدانێ بکەین کو مە نەکاریە
چارەسەریا ئاریشەیا کارەبێ بکەین."
دەربارێ ئاریشا غازێ ژی دبێژیت، "ئەم وڵاتەکێ
خودان غازین لێ غازێ بەرهەم نائینین و ئەم هزار و ٢٠٠ مێگاواتێن کارەبێ ژ ئێرانێ دئینین
و ئەگەر هاوردەیا غازێ و کارەبێ پیکڤە کۆم بکەین کو ژ ئێرانێ دگەهیتە مە دێ گەهیتە
وی دەرئەنجامی کو ٤٥٪ ێ ژێدەرێ کارەب و غازا عێراقێ ئیرانە.
ئەویەکژی دادیارکرن، ئیران بخۆ ژی د ڕەوشەکا
نەباش دایە ژبەرکو دەوڵەتەکا مەزنە و هندەک جاران پێتڤی ب کارەب و وێ غازێ هەیە یاکو
دشینیت بۆ عێراقێ، د هەمان دەمژیدا، ئیران بخۆژی کارەبێ ژ دەرڤە هاوردە دکەت.